ISBN: 978-84-235-3332-9
Prezioa: 18 euro

Punto de Vista bildumaren zazpigarren alea da honakoa, Thomas Heise zinemagile alemanaren irudiari eskainia. Lana Olaf Möller-ek koordinatu du, eta testuen patchwork baten moduan pentsatuta dago. Bertan, batetik, aurretik alemanez argitaratutako testuak (batzuk Thomas Heiserenak) agertzen dira, orain gaztelaniaz eta ingelesez lehenengoz irakur daitezkeenak, eta bestetik, lan honetarako berariaz prestatutako idazkiak daude. Horrez gain, bi elkarrizketa agertzen dira: batetik, Heiseren aita Wolfgang Heise filosofoaren eta Heine Müller dramagilearen artekoa, eta bestetik, errealizadorearen eta Saskia Walker-en artekoa. Liburuan, gainera, Mark Thomannek egilearen zenbait filmetarako diseinatu dituen posterren koloreetako kopiak jaso dira.

Punto de Vista Bildumaren bosgarren liburukia da, eta jaialdiak bi hizkuntzatan argitara emandako lehen liburua: gaztelaniaz eta ingelesez, zehazki.

Hogeita hamarren bat laguntzailek parte hartu dutela, Jem Cohen zinemagilea omentzeko ekimena izan da, bi ikuspegi kontuan hartuta. Batetik, haren lanari buruzko hainbat azterketa bildu ditugu, akademikoek eta kazetariek egindakoak. Hona hemen nor izan diren: Sandra Lischi, Ed Halter, Sonia García López Ricardo Roncero eta Fran Gayo; bestetik, zinemagilearen beraren ohiko laguntzaile batzuen eta zenbait adiskideren ekarpenak jaso ditugu: Patti Smith, Andy Moor, Guy Picciotto eta Michael Ackerman. Mundu zabalean Jem Coheni buruz argitara eman den lehenbiziko monografia da eta, aipatutakoaz landara, argitara eman gabeko elkarrizketa luze bat ere badakar, berariaz ekimen honetarako egindakoa, bai eta Cohenen beraren polaroid sorta baten bilduma ere, formatu honetan lehendabizikoz argitaratu direnak.

Bigarren ediziotik aurrera, Nafarroako Zinema Dokumentaleko Nazioarteko Jaialdiak Punto de Vista bilduma sortu du, programazioko zikloren batekin lotutako argitalpenen multzoa. Aurten, Irudien bigarren bizitza atzera begirakoa Antonio Weinrichter-en "Metraje encontrado. La apropiación en el cine documental y experimental" liburuarekin osatzen da.

Lan honetan birmuntatzearen bi alderdi zinematografiko handien errepaso historikoa planteatzen da: konpilazio-dokumentala eta aurkitutako materialaren zinema. Argitalpen honetan birmuntatzearen erabilerak aztertzen dira, propaganda sobietar eta nazitik konpilazio-zinema modernora, eta aurkitutako materialaren bereganatzearen erabilerak mugatzen ahalegintzen da, bai zinema konbentzionalak egindako bereganatzea, bai zinema esperimentalean izandako ezarpena.

I.S.B.N: 978-84-235-3031-1

Punto de Vista bildumako hirugarren liburua; hitzaren biografia da: Olmi Olmiren gainean, azken berrogeita hamar urtean.

Egileari gaztelaniaz eskaintzen zaion lehenbiziko liburu honek zinemagile italiarrak zinemaz eta bizitzaz egindako gogoetak biltzen ditu; gogoeta horiek guztiak elkarrizketetan, gutunetan eta idazleak berak idatzitako artikuluetan isuriak daude.

Liburuaren egiturak sei topaketa ditu oinarri: zuzendariak bere ibilbideko funtsezko uneetan emandako sei elkarrizketetan, alegia. Azken elkarrizketa, hain zuzen ere, 2007an egin zuen iragarpenarekin bat egin zitzaion: hau da, Centochiodi lanaren bidez, behin betiko fikziozko zinema bazterrean utziko zuela.

"Seigarren elkarrizketa" horrek bukaera ematen dio liburukiari eta hantxe aritu ziren solasean Ermanno Olmi eta Mercedes Álvarez zinemagilea (El cielo gira), 2007ko azaroan.

Liburuak sei elkarrizketa horiek uztartu ditu zinemagilearen beraren beste zati, gutun, artikulu eta oharrekin; azken finean, argitalpen hau Ermanno Olmiren pentsamendu zinematografikoaren bildumarik landuena da.

Editado por: Antonio Weinrichter

Saiakera-zinearen osagarri ezin hobea eta nahitaezkoa izateaz landara, "La forma que piensa. Tentativas en torno al cine-ensayo" (Moldea, gogoeta bide. Saiakera-zinearen inguruko saioak) liburua Punto de Vista bildumako bigarren lana ere bada. Iazkoan ekin genion bildumari, "El cine de los mil años. Una aproximación histórica y estética al cine documental japonés (1945-2005)" lanarekin (Mila urteko zinea. Hurbilketa historikoa eta estetikoa Japoniako zinema dokumentalera. 1945-2005).

Bildumako ale berri hau ohiko liburuaz haratago doa, kartografiatu gabeko lurraldearen lehen mapa baita, genero berri eta aldagarriaren, saiakera-zinearen, mugak eta ezaugarriak zehazteko eta ezartzeko lehen saialdia. Zinema molde hori dokumentalaren eta abangoardiako zinemaren puskez eraikia dago, ez du ondoriorik ateratzen, eta gogoeta eragile izaten saiatzen da.

Gainera, genero hau teorikoki lantzeko Espainian egin den lehen lana da. Libururako berariaz idatzitako testuez gain, bestelakoak ere badira, hots, kanpoko eta nahitaezko laguntzaileen ekarriak erakusten dira, lehen aldiz gaztelaniara itzuliak.

Haien guztien laguntzarik gabe, liburuak ez zuen argia ikusiko: Antonio Weinrichter (argitaratze-zuzendaria, Luis Miranda, Doménech Font, Christa Blümlinger, Philip Lopate, Josep María Català, Ángel Quintana, José Luis Castro de Paz, Josetxo Cerdán, Miguel Fernández Labayen, Karl Sierek eta Hans Richter.

Punto de Vista jaialdian pausatu ondoren, behin zikloa bukatuta, liburua hainbat tokitara joanen da ibilkari: Galiziako CGAI erakundera, Valentziako filmotekara eta, azkenik, Sofia Erregina museora.

I.S.B.N: 84-235-2828-6
Prezioa: 18 euros

Jaialdiak 2006an Japoniako zinema dokumentalari eskaini zion atzera begirakoaren barnean argitara emandako lana da eta liburuak funtsezko gakoak ekartzen ditu japoniarrek azken 60 urtean dokumentaletan egindako ekoizpena ulertzeko.

Carlos Mugirok koordinatua, "Mila urteko zinea" lanak aditu ugariren laguntza eta testuak jaso ditu. Hona hemen: Abe Mark Nornes, Fumio Kamei, Noriaki Tsuchimoto, Toshio Matsumoto, Aaron Gerow, Shohei Imamura, Toichi Nakata, Shinsuke Ogawa, Ueno Koshi, David Desser, Masatoshi Naito, Antonio Weinrichter, Kazuo Hara, Scott MacDonald, Efrén Cuevas, Juan Zapater, Makoto Satô, eta Carlos Muguiro bera.