Ernest Hemingway ehortzi zuten egun berean, 1961eko uztailaren 7an, haren bikoitz ezagunena Iruñeko San Fermin jaietan ibili zen.Agerpen bitxi hura imitatzaile askok eta askok idazle ospetsuaren irudia iraunaraziko zutenaren sintoma izan zen.Gaur egun, Hemingwayren bikoitz ugarik parte hartzen dute Floridako Key West uhartean urtero egiten duten lehiaketan: “Hemingway hil ondorengo benetako Hemingway” izan nahi dute.Baina, zergatik nahi dute beste bat izan?Filmeko hipotesiaren oinarria da Hemingwayk ere, Iruñara lehenbizikoz etorri zenean, 1924. urtean, “beste bat” izan nahi zuela.Pelikula filmatu dute Iruñeko 2008ko San Fermin jaietan, Key West uhartean (Florida) eta Hemingwayk bere buruaz beste egin zuen Ketchumeko (Idaho) etxean. Protagonistetako bat Pio Guerendain argazkilaria da. Argazkilari metodiko eta tematia da, eta berrogeita hamar urte baino gehiago daramatza entzierroen argazkiak iskina batetik egiten.Filmak, ohar koaderno baten moduan egituratuta, Iruñeko Mercaderes eta Estafeta kaleen iskina miatzen du, han mamitu baitzen, filmeko hipotesiaren arabera, idazlearen “beste bat” izateko nahia, 1924an.
Sariak
Mejor Cortometraje – Festival Internacional de Cine de Varsovia.
Grand Prix - 10ème Festival du Court Métrage de Nice.
Mejor Película Experimental - San Diego Latino Film Festival.
Mejor cortometraje 41ª Muestra Cinematográfica del Atlántico – Alcances 2009.
1º Premio Categoría Ficción - Cinemad 2009.
Mención de Honor - É Tudo Verdade - It's All True São Paulo.
Sergio Oksman Brasilen jaio zen 1970ean.Kazetaritza ikasi zuen Sao Paulon, eta zinema New Yorken.Zinema lanik gehienak Brasilen eta iberiar penintsulan egin ditu, batik bat dokumentalak eta erreportajeak.Alde horretatik, esaten du “arraroa” egiten zaiola “zinemalaria” dela entzutea; bere iritziz, “atzean zer dagoen aurkitzea gustatzen zaion kazetari begiluzea” da.
Filmagintza
Goodbye, America (2007)
Gilberto Gil: un ministro en directo (2006)
Mariza, meu fado (2005)
La Esteticién (2004)
Gaudí en la favela (2002)
Pelé – el partido del siglo (1999)
Irmãos de Navio (1996)