WRITING DESIRE

Año2000 Iraupena25 min. HelbideaUrsula Biemann

Hitzen, gorputzaren eta desioaren artikulazioaren arteko harremanei buruzko saiakera bideo bat da. Filmean hiru alderdi hauen arteko lotura aztertzen da: Interneten moduko teknologia digitalek eragiten duten komunikazio erromantikoa, sexualitatearen desgorpuztea eta sexuen arteko harremanen merkaturatzea. Alde horretatik, egileak azpimarratu du zer eragin daukaten teknologia berriek desioaren merkatuko transakzio ekonomikoen mende dauden emakumezkoen gorputzen zirkulazio globalean, bai lehen munduan, bai hirugarrenean. Bideoan truke konplexu horren ondorioz mundu industrialean, sozialismo ondoko herrialdeetan eta Asia hego-ekialdean sortzen diren subjektibitateak agertzen dira.

Zinemaldiak
Dallas Video Festival; One World Film Festival, Canada; Videoex, Video and Experimental Film Festival, Zurich.

Ursula Biemann

Ursula Biemann artista, arte komisarioa eta teorialaria da.Landu ditu, batik bat, migrazioa, bitartekoak eta ekonomia globala.Liburu ugari argitaratu ditu arte jardunbideen, bideo-saiakeren, geografiaren eta migrazio politiken gainean.Bere azken proiektuak dira Black Sea Files, Kaspiar itsasoko oliobideari buruzko dokumentala; Sahara Chronicle, emigrazio bide klandestinoei buruzko lana; eta X-Mission, Palestinako errefuxiatu esparruen gaineko obra.Horrez gain, Zuricheko ZHdK Teoria Institutuko ikertzailea da.

Filmagintza
Performing the Border (1999)
Writing Desire (2000)
Remote Sensing (2001)
Europlex (2003)
Contained Mobility (2004)
Black Sea Files (2005)
Sahara Chronicles (2006-2009).
X-Mission (2008)