es | eu | en
hasiera  |  2017ko albisteak  |  Punto de Vista 2017 Palmaresa
FILMEN BILATZAILEAIr a Buscador de Películas
Punto de Vista Bilduma
ALBISTEAK
2017.03.11
Punto de Vista 2017 Palmaresa
Punto de Vista 2017 Palmaresa

Punto de Vista Nafarroako Zinema Dokumentaleko Nazioarteko Jaialdiaren hamaikagarren edizioaren epaimahai ofiziala Alain Fleischerrek, Vivi Tellasek, Aleksandr Balagurak, Toby Leek eta Daniele Dottorinik osatzen dute, eta Eskualde Nagusia Atal Ofizialera aurkeztutako obra guztiak ikusi eta dagozkion deliberamenduak egin ondoren, ondorengo sariak ematea erabaki du: 

Pelikula Onenaren Punto de Vista Sari Nagusia (10.000 euro) Miranda Pennell-en THE HOST lanarentzat izango da, “eremu pertsonaletik eremu politikora bidaia zinematografikoa moldatzeko duen gaitasunarengatik, gaur egun ondorioak indarrean dituen historia koloniala aztertuaz. Zehaztasun formalak eta artxiboko materiala erabiltzeak bultzada garrantzitsua ematen dio zinema garaikideari”. 

Jean Vigo Saria (5.000 euro) Zuzendaritza Onenarentzat, ERIC PAUWELS-en LA DEUXIÉME NUIT lanak jasoko du, “material eta estilo ezberdinak lantzeagatik unitatea emanaz; eta, horrez gain, memoria, hitzak eta zinemaren irudiak lotzeagatik, askatasun poetikoaren proposamen gisa”. 

Film Labur Onenaren Saria (3.000 eurokoa) Ismaïl Bahri-ren FOYER lanarentzat izango da, “bere soiltasunean dotorea delako. Minimalismoak begi-keinua egiten die garrantzi handiagoko kontu geopolitikoei eta zinemaren potentzial sozialari ere bai. Pantaila zuritik ezin konta ahala irudi ateratzen dira”. 

SARI BEREZIAK 

Publikoaren Sari Berezia Pelikula Onenarentzat (1.500 euro) David Arratibelen CONVERSO lanak jasoko du. 


Pelikula Onenaren Gazteria Saria (1.500 eurokoa), MARTIN KOLLAR-en 5 OCTOBER pelikularentzat izango da, “egunerokoa erabiltzeagatik kontatzen digun historiaren une nagusiak islatzeko eta publikoa errespetuz eta inteligentziaz tratatzeagatik; izan ere, bizitzak ekartzen dituen arazoei aurre egiten hasitako pertsona-taldeari hitz egiten dio, ezer erakustera edo aldarrikatzera iritsi gabe”.

X FILMS PROIEKTUA

Bestalde, X Films Proiektuaren deialdiaren Hautapen Batzordeko kideek, Sergio Oksman, Iván Pintor eta Victor Candeias-ek, hiru proiektuak idatziz eta, ondoren, María Cañas, Pilar Monsell eta Omar A. Razzak egileek jendaurrean egindako erakusketa publikoan ezagutu dituzte, eta, dagozkien deliberamenduak egin ondoren, X Films Proiektua MARÍA CAÑASi ematea erabaki dute, “Ikus-entzunezko hizkuntza garaikideen adierazpen-prozedurak ezagutzeko eta entsegu zinematografikora eramateko duen gaitasunarengatik; erritu eta portaerekiko izan duen arretarengatik eta ikus-entzunezko formen bidez zalantzan jartzeagatik; proiektua Nafarroako eta, zehazki, Iruña hiriko historian eta ondarean erabat inskribatzeagatik; bokazio herrikoia eta ikusle zabalenenetara heltzeko nahi espezifikoa izateagatik”. Era berean, Hautapen Batzordeak nabarmendu nahi izan du “jasotako proposamenen kalitatea sekulakoa dela eta berrikuntza formala oso kontuan izan dutela”.

itzuli

ANTOLATZAILEAK
Gobierno de Navarra NICDO
LAGUNTZAILEAK
Teatro Gayarre Fundación Museo Jorge Oteiza Civican Centro de Arte Contemporáneo de Huarte Acción Cultural Española Radio 3 Euskalerria Irratia Cultura Film Revista Filmada Revista Don Institut Français
Uso de cookies:
Este sitio web utiliza cookies, tanto propias como de terceros, para recopilar información estadística sobre su navegación. Si continúa navegando, consideramos que acepta su uso. Más información