es | eu | en
hasiera  |  2018ko albisteak  |  Jaione Camborda zinemagile gipuzkoarrak Punto de Vista 2018-ren goiburua sinatuko du
FILMEN BILATZAILEAIr a Buscador de Películas
Punto de Vista Bilduma
ALBISTEAK
2018.01.31
Jaione Camborda zinemagile gipuzkoarrak Punto de Vista 2018-ren goiburua sinatuko du
Jaione Camborda zinemagile gipuzkoarrak Punto de Vista 2018-ren goiburua sinatuko du
Jaialdiak “Rapa das bestas” bere film laburra ere programatuko du.

“Gorputz baten keinu txikien eta denbora gisa deklinatzen den eta sekretu bat ezagutzera emanaz eteten den mugimenduaren aurrean erreakzionatzen duen erretratu bat da”. Horrela definitu du Jaione Cambordak martxoaren 5etik 10era bitartean Iruñean egingo den Nafarroako Zinema Dokumentaleko Nazioarteko Jaialdiaren XII. ediziorako goiburu gisa sortu duen izenbururik gabeko pieza.

Goiburua aurki estreinatuko da Punto de Vistaren web-orrian eta sare sozialetan, eta saio guztiak hasi baino lehen erakutsiko da jaialdian. Goiburu berri horrekin, Punto de Vistak errealizadore gazteei ahotsa eta presentzia ematearen aldeko apustuari heldu dio berriro, hainbat ediziotan filmen laburpenetan oinarritu ondoren, esaterako, 2017an, Jorge Oteizaren Urbia filmaren zati bat erabili baitzen Punto de Vistaren goiburu gisa. 2010etik, jaialdiaren aurkezpen-txartel hori azaleratzen ari den zinemako hainbat pertsona ospetsuri eskatu zaio, esaterako, Víctor Iriarte, Fernando Franco, Daniel Cuberta, Kikol Grau edo Simon Ellis britainiarrari.

Jaialdiko goiburuaren egilea izateaz gain, Jaione Cambordak Nafarroako jaialdiaren hurrengo edizioan parte hartuko du Rapa das bestas (2017) film laburrarekin Paisaia saioaren barruan, Euskal Autonomia Erkidegoko eta Nafarroako beste zinemagile batzuekin batera, besteak beste, Koldo Almandoz, Jesus María Palacios edo Iñigo Jimenezekin batera.

Jaione Camborda Donostian jaio zen 1983an, eta Zinema Zuzendaritza ikasi zuen Pragako Zinema Eskolan (FAMU) eta Arte Zuzendaritza Municheko Zinema Eskolan (HFF). Bere zuzendari-lana gidoilari, arte-zuzendaritza eta produkzio exekutiboko lanekin uztartzen du. 2011n Esnatu Zinema produkzio-etxea sortu zuen, eta baita lan bikaina egin ere filmetako materialarekin egindako piezen zuzendari gisa. Bere filmen artean daude Arima (2017), Proba de Axilidade (2015); Nimbos (2015) edo Lilit (2015).
 

itzuli

ANTOLATZAILEAK
Gobierno de Navarra NICDO
LAGUNTZAILEAK
Iruñeko Udala Huarte Arte Garaikideko Zentroa Teatro Gayarre
Caja Navarra Fundazioa Iruñeko Planetarioa Nafarroako Filmoteka Acción Cultural Española



Audio-lab Drac Màgic Artium
Dferia Iberescena Azala Espacio



Radio 3
Uso de cookies:
Este sitio web utiliza cookies, tanto propias como de terceros, para recopilar información estadística sobre su navegación. Si continúa navegando, consideramos que acepta su uso. Más información