Zinema elkarrizketa gisa; irudiak hizketaldi gisa. Artisten arteko truke epistolarren ohitura literario zaharra, sormenerako eta eztabaidarako esparrua berreskuratuz, CCCB zentroak (Centre de Cultura Contemporània de Barcelona) ezinbestean hurbilak ez diren sortzaileen arteko elkarrekikotasun bisualeko ekimena bat abian jarri zuen duela zenbait urte. Proiektu horretan, besteak beste, Víctor Erice, Abbas Kiarostami, Isaki Lacuesta edo Naomi Kawase zinemagileek parte hartu dute. Elkarrekikotasun horren berri eman duten azkenak Jonas Mekas eta Jose Luis Guerin izan dira; egunkari filmatuaren benetako sortzailea eta haren dizipulu katalan berria, alegia. Biek, kamera digitala eskuetan dutela, zenbait hilabetetan lanean ibili dira, plan hertsi bati zorrozki jarraituta: ikus-entzunezko elkarrekikotasuna sortzea, bizitzaren aurrean erreakzionatzen duen zinema praktikan jartzeko. Zer aterako da egunerokotasunarekin lotura handiagoa duen zinemazale eskarmentudun baten eta irudien praktikarik intimoenera heldu berria den zinemagile baten arteko elkarrizketatik?