2010

Pere Roca

Pere Roca TVEko kultura kanaleko zuzendaria da. Aurretik, Institut Català de les Indústries Culturals erkundeko CDA (Centre de Desenvolupament Audiovisual) zentroko zuzendaria, Filmax enpresako Garapen Saileko zuzendaria, TVC (Televisió de Catalunya) telebistako saioen zuzendari-ondokoa, dokumental eta erreportajeen Farringdon Films London produkzio-etxeko zuzendaria; MEDIA Programaren ekimena den PILOTS (Programme for the International Launch of Televisión Series) programako zuzendaria eta bertako film luzeak, saioak eta dokumentalak ekoizten eta koproduzitzen dituen IMATCO SA enpresako ekoizle exekutiboa ere izan da.

Horrez gain, fikzio- eta publizitate-zinemako ekoizpen-taldeekin elkarlanean aritzen da, Kataluniako Generalitateko Zinematografia Zerbitzuan lan egiten du, eta Sitgeseko Zinema Fantastikoaren eta Kataluniako Udaberri Fotografikoaren lehiaketen koordinatzailea da. Bederatzi urtetan ESCAC (Escola Oficial de Cinema i Audiovisuals de Catalunya) eskolako ekoizpen saileko burua izan zen. Bestalde, irakaslea eta tutorea ere izan da Europako hainbat masterretan, hala nola ikus-entzunezko kudeaketan prestatzeko masterrean. Azkenik, MEDIA programaren Prestakuntza Saileko aholkulari ofiziala, Television Business School eskolako tutorea eta ESCAC eskolako ekoizpen saileko buru izan da.

Luis Miñarro

Luis Miñarro Eddie Saeta ikus-entzunezko ekoizpen-konpainiako buruako da. Konpainia 1989. urtean abian jarri zen, eta nazioarteko lehiaketetan parte hartzeaz gain beti arrakasta duten hainbat lan ekoiztu ditu. Guztietan, egile-zinema nagusi da. Esaterako, Albert Serraren El Cant Dels Ocells eta Lisandro Alonsoren Liverpool lanek Canneseko azken Zinemaldian parte hartu zuten, Zuzendarien Hamabostaldiaren barruan. Duela gutxi Christophe Farnarieren El Somni (2008) dokumentala estreinatu du eta Locarnoko Zinemaldian parte hartu zuen.

Hasieratik bere zinema-ikuspegia duten zuzendari gazteen aldeko apustua egin zuen. Isabel Coixeten Cosas que nunca te dije (1996) lanak Berlingo Zinemaldiko Panorama atalean parte hartu zuen. Gero, Marc Recharen Las Mans Buides (2003) filma Canneseko Zinemaldiko Un Certain Regard atalean eman zuten, eta Jose Luis Guerinen En la Ciudad de Sylvia (2007) filmak Veneziako Zinemaldiko Atal Ofizialean lehiatu zuen, eta kritikarien "Urrezko bisatoa" saria irabazi zuen.

Horrez gain, beste bi film ere zuzendu zituen 2009. urtean: Familystrip eta Blow Hor. Azkenik, beste film luze bat ere prestatzen ari da: Estrella fugaz.