Forest of Bliss-en urruneko muntaketa konplexuak areagotu egiten du Benaresko indar ziklikoen eta heriotza-errituen presentzia (sutan edo uretan askatutako gorputzak). Errepikapenaren eta aurkaritzaren bidez, motiboen elkargunearen eta ikusmen- eta soinu-geruzen aldiberekotasunaren bidez, errima bakoitzak ezagun bihurtzen du arrotza. 25 bat urte geroago, Gardnerrek film hau eta beste batzuk filmatu zituen lekuetara itzuli zen Robert Fenz. Lekuak eta erretratatutako pertsona batzuk bat datoz, baina batik bat absente dagoen presentzia baten aipamena eta oroitzapena da, Gardnerren presentzia Gangesen urak isurtzen dituen anabasa horretan. Leku bakoitzari bidaiak egin aurreko neguko Cambridgek jartzen dio markoa. Bataren eta/edo bestearen leihoetan, zinemagileek elkar ulertzen dute, eskutitz-trukean hasten dira.