Izan Litezkeen Hiri Guztiak
Begiratu, imajinatu eta irudikatu. Gure desirak hirian, egunero igarotzen ditugun espazio, kale eta hormetan proiektatu. Denbora bat hartu leku ezagun eta egunerokoak (bir)pentsatzeko. Espazio horiek, momentu batez, leku desiragarri bihurtu. Erreala denaren eta izan litekeenaren arteko marrak ezabatu.
Zinemaren bitartez errealitateak irudikatu daitezke baina, baita ere, haratago joan eta beste zerbait bihurtu. Lantegi honek jada ezagunak zaizkigun auzoetako txokoetara beste mota bateko hurbilketa planteatzen du, beste ikuspuntu batetik, beraietan gure desirak eta irudimenak gorpuztu eta alternatiba bideragarri eta beharrezkoak planteatzeko.
Maider Fernandez Iriarte eta Aitor Gametxo, zinegileak izateaz gain, hezkuntzarekin lotutako zenbait proiekturen diseinatzaile, koordinatzaile eta dinamizatzaile dira. MACBA eta Tabakalera bezalako museo nahiz kultur zentroetan egin dute lan, Cinema en curs / Zinema (h)abian, REC! Zinema esperimentala edo Kamaleoiak gara! bezalako proiektuetan.
 |
|
|