Hezkuntza programa
Hirian lan komunitarioa egitea eta publikoak prestatzea da Punto de Vistaren helburu nagusietako bat. Programa hau haur eta gazteentzat da bereziki, eta hainbat jarduera proposatzen ditu ikusentzunezko arloan sentsibilizatzeko eta hura balioztatzeko. Aurtengo edizioan, soinuaren garrantziari erreparatuko zaio, eta hainbat tailer, topaketa eta proiekzio egingo dira, jaialdiaren egoitzetan. Xabier Erkiziak, Paula Olazek eta Pixelatu kolektiboak hainbat tailer eskainiko dituzte soinu-dimentsioari eta musika-konposizioari buruz.
Foley Tailerra
Ikus entzunezkoari buruz hitz egiten dugunean, normalean beti irudia nagusitzen da soinuaren aurrean. Hala ere, istorioaren sinesgarritasuna, hein handi batean, soinuaren dimentsioan oinarritzen da. Horregatik tailer hau soinuaren perzepzioa eta sorkuntzaren inguruan ardazten da. Izan ere oso gutxitan erreparatzen diegu soinu banda bat osatzen duten soinu guztiei. Horregatik tailer honetan ez dugu bakarrik pelikula bat entzuten irakatsiko baizik eta zinema sekuentzia baten soinu banda elkarrekin sortuko dugu ere. Partehartzaileek soinuak modu sortzaile eta irudimentsu batean sortu ahal direla ikusiko dute. Izan ere gehienetan, irudian ikusten ditugun objektuekin zerikusirik ez duten beste tramankuluak erabiltzen dira soinu efektuak sortzeko.
Zinemarako Musika Tailerra
Tailer honetan, zinemarako konposizioaren atzean dagoen mundua aurkeztuko zaie gazteei, modu didaktiko batean. Animazioko soinu banda bat konposatzeko prozesua aztertuko dugu, musikaren tratamendu bereziagatik, askotariko sonoritateengatik eta sinkroniagatik. Era berean, animazioko narratiba musikala ere aztertuko dugu, eta kolore musikalen paleta jakin batzuk aukeratzeko prozesuaren berri izango dugu. Tailerrean, animazioko zinemarako konposizio prozesuaren zuzeneko esku-hartze musikala ere egingo da.
Ramon Andres eta Xabier Erkiziaren arteko solasaldia
Ramón Andrés poeta, saiogile eta pentsalaria eta Xabier Erkizia, artista eta ekoizlea, entzutearen kulturaz, musikaz eta bizitzaz hitz egingo dute.
Las no-ficciones del oído
Xabier Erkizia soinu-artista, ekoizlea eta musikari da, eta bere lanaren ezaugarri nagusia entzumena eta soinua barne biltzen duen sorkuntza forma ororen gaineko jakin-mina eta ikerketa da.
 |
|
|