Plana hauxe da: lau emanaldi eta hamalau pelikularen ondoren, begiak eta belarriak sorgortuta, zinema aretotik irtetea, ibaiertzetik lasai paseatzea, ibai ondoan bizi izan diren pertsona batzuk ezagutzea, tenteltzea, abestea, ura noiz datorren kantari eta noiz ez bereiztea, lizarrak eta sahatsak desberdintzea, zuhaitzak ukitzea, «martin arrantzaleek ez dute zergarik ordaintzen» esaldiari buruz gogoeta egitea eta, jakina, edozein ustekabetarako prest egotea, planaren aurka egitea. Hori guztia Zacharovanaya Desna pelikularen inguruan, Atzera Begiradan egoterik izan ez duen filma, errusiar emakume baten eta gizon ukrainar baten alaba sobietarra, eta haren presa, baratzea, lehoia eta zaldi hiztunak.
Martxoaren 18a, ostirala
Topalekua: Santa Engrazia zubia, 11:00etan.
Iraupena: bi ordu, gutxi gorabehera.
Ez da izenik eman behar. Zabalik ere festibalean egon ez direnentzat.
