Izena eman

Jaialdiak laugarrengoz antolatu du Moving Cinema Gazte Programatzaileak x Punto de Vista. 16 eta 22 urte bitarteko gazteei irekita dago, eta, esperientzia berezi horri esker, 12 partaidera arteko talde batek gertu-gertutik bizi ahal izanen du zinema jaialdi orotako funtsezko zereginetako bat: filmak programatu eta aurkezteko zeregina.

Patxi Burillo zinemagilearen laguntzarekin, X Films eta Termitas programekin lotutako zinemagileen zenbait film ikusi eta komentatuko dituzte gazte programatzaileek, eta saioa diseinatuko dute. Ondoren, taldeak berak aurkeztuko du saio hori jaialdian.

• Izen-ematea doan, urtarrilaren 31ra arte.          
• Filmak ikusteko, programatzeko eta eztabaidatzeko saioak Civivox Condestablen: otsailak 14, ostirala (17:30 - 20:30), otsailak 15, larunbata (10:30 - 13:30) eta (15:30 - 18:30) mokadutxoekin Katakraken eta otsailak 16, igandea (10:30 - 13:30).
• Prestaketa saioa: otsailaren 19tik 20ra bitartean programatzaile gazteen taldearekin zehaztu beharreko data
• Saioaren prestaketa Civivox Condestablen: otsailak 27, osteguna (18:00 - 20:00).
• Aurkezpen publikoa Civivox Condestableko emanaldi aretoan: otsailak 28, ostirala, 20:00etan.

Harremanetarako: zalantzak badituzu, idatzi produccion@puntodevistafestival.com helbidera.