Zer eragin dute zinema jaialdiek zinemagile gazteen ibilbidean, bereziki sareak sortzeko aukerei, industriaren aitorpenari eta ondorengo garapen eta lankidetza profesionalei dagokienez? Horixe da FIDMarseille jaialdiak Doc Alliance sarerako egindako “Emerging Talents and Film Festivals” ikerketa kapituluaren aztergaia. Ikerketa bibliografiko eta historiografikoaren, sareko jaialdiei (jaialdi gonbidatuak barne) eta zinemagile hasiberriei zuzendutako galdetegien eta zinemagileei eta zinema jaialdietako profesionalei egindako elkarrizketen bitartez, txosten sakona egin dugu zinema jaialdiek zinemagile hasiberrien ibilbideetan duten eraginari buruz. Ikerketak zinema jaialdiek zinemagile hasiberriengan duten eragina aztertzen du, esposizioari eta aitorpenari, sareak sortzeko aukerei, ikaskuntzari eta inspirazioari, eta etengabeko laguntzari dagokionez. Halaber, hobekuntzak egiteko aukerak ere eskaintzen ditu.
2024 urtean, Doc Alliance sareak haren jaialdetako praktikekin erlazionaturiko bost ikerketa ildo sustatu zituen: Jasangarritasuna, teknologia berriak eta handitutako errealitatea (XR ingelesez), barneragarritasuna eta generoa, Heziketa programak eta Suspertzen ari diren talentuak. Anastasiia Kleshchenko (FIDMarseille) azken horren emaitzak aurkeztuko ditu.
