Arrotzetik bildutakoak

Irudien bilduma egitearen fetitxismoa. Garai eta formatu guztietako irudiak. Haiek aurkitzea, zaintzea eta ordenatzea, haiekin jolastea, baita berregitea ere. Haiek ulertzeak dakarren lilura, zer zentzu duten jakiteko, zentzurik baldin badute. Pastinaca Videotapes Plantation kolektiboak azken urteotan argitara atera du etxeko VHS bideoen artxibo emankor eta misteriotsu bat, eta horren erakusgarri da TEN Tapes, hamar zinta, agian ausazkoak. Lincoln Pericles Jr. zinemagileak bere herrialdeko gizarteko bazterren errepresentazioan sakontzen du, eta lapurtutako telefono mugikorretako klip batzuk erakusten ditu Filme dos outros lanean, herritar arruntak zer filmatzen duen ulertzeko. Lluís Galterrek stockeko irudi-paketeen iruzurrarekin jolasten du, haien erabilera komertzialen berrirakurketa dibertigarri bat egiteko, Ohio Sonata izeneko kulebroi bitxi baten bidez. Jeppe Langek hamar mila irudi baino gehiagoko korrelazio bizkor eta aparteko bat erakusten digu Abyss lanean; irudi horien arteko loturak ez ditu gizaki batek sortu, bilaketa-motorren adimenak baizik.

Miquel Martí Freixas