Hasi da atzerako kontaketa Punto de Vista Jaialdiaren zazpigarren ediziorako filmak aukeratzeko
Punto de Vista Zinema Dokumentaleko Jaialdiaren zazpigarren edizioko Atal Ofizialerako filmak aurkezteko epea irailaren 30ean amaitu zen. Jaialdia Iruñean egingo dugu, 2011ko otsailaren 22tik 27ra.
Punto de Vista Zinema Dokumentaleko Jaialdiaren zazpigarren edizioko Atal Ofizialerako filmak aurkezteko epea irailaren 30ean amaitu zen. Jaialdia Iruñean egingo dugu, 2011ko otsailaren 22tik 27ra. Orain, Jaialdian lehiatuko duten hogei lanak aukeratu behar ditugu. Aukeratutako pelikulen berri abenduan emango dugu.
Hautagaiak 61 herrialdetakoak dira. Ekoizle gehienak dira Espainiakoak, Estatu Batuetakoak, Frantziakoak, Poloniakoak, Mexikokoak, Argentinakoak eta Erresuma Batukoak. Lehen hautaketa fasera Israel, Taiwan, Australia, Turkia, India, Kanada, Mozambike eta Koreako lanak ere aurkeztu dituzte, besteak beste.
Aukeratutako pelikulek Jaialdiko sari hauek jaso ditzakete: film onenarentzako Punto de Vista sari nagusia (10.000 euro), zuzendari onenarentzako Jean Vigo saria (5.500 euro) eta film labur onenarentzako saria (3.500 euro). Bi aipamen berezi ere emango ditugu, 1.250na eurokoak. Gainera, filmak ikustera joaten zaretenek film onenarentzako ikusleen sarirako botoa eman dezakezue; saria 2.500 eurokoa da.
 |
|
|