2010/12/13
John Gianvito zinema dokumentaleko egile garrantzitsuenetako bat da gaur egun, Profit Motive and the Whispering Wind (2007) pelikulari esker; Time Out aldizkariaren arabera, zinemagilearen bigarren film hori hamarkadako onenetako bat da. Gianvitok, bere hirugarren film luzearen, Vapor Trail pelikularen Espainiako estreinaldia Punto de Vista jaialdiaren zazpigarren edizioan egingo du, nazioarteko hainbat jaialditan eman ondoren (BAFICI, Vancouver, Rotterdam). Vapor Trail (Clark) Erdialdeko Eskualdea sailean jarriko dugu, dokumental arriskutsuenen sailean, alegia.
John Gianvito zinema dokumentaleko egile garrantzitsuenetako bat da gaur egun, Profit Motive and the Whispering Wind (2007) pelikulari esker; Time Out aldizkariaren arabera, zinemagilearen bigarren film hori hamarkadako onenetako bat da. Gianvitok, bere hirugarren film luzearen, Vapor Trail pelikularen Espainiako estreinaldia Punto de Vista jaialdiaren zazpigarren edizioan egingo du, nazioarteko hainbat jaialditan eman ondoren (BAFICI, Vancouver, Rotterdam). Vapor Trail (Clark) Erdialdeko Eskualdea sailean jarriko dugu, dokumental arriskutsuenen sailean, alegia.
Aurreko pelikularen konpromiso formal eta politikoaren ildo berean, Gianvitok Filipinetako historia kolonialaren ehun urteren gaineko kontakizun sendo eta epikoa egin du oraingoan. Filipinetako Senatuak 1991n erabaki zuen AEBetako base militarrak uhartean egotearen kontra bozkatzea. Orduan, Estatu Batuek zona utzi eta giza eta ekologia hondamendia eragin zuten: eremu hura izugarri kutsatua dago eta kutsadurak kalteak eragin dizkie ingurumenari eta hango biztanleei. Vapor Trail (Clark) pelikula muturrekoa eta ezinbestekoa da, solidarioa eta oroigarria. John Gianvito Iruñera etorriko da pelikula aurkeztera eta, eman ondoren, ikusleekin komentatzera.