Punto de Vista jaialdirako sarrerak, dagoenekoz salgai
Salgai daude Punto de Vista Nafarroako Zinema Dokumentaleko Nazioarteko Jaialdirako sarrerak. Saio bakoitzak 3 euro balio du eta, era berean, hamar saioko abonuak jarri dira salgai, 20 eurotan.
Salgai daude Punto de Vista Nafarroako Zinema Dokumentaleko Nazioarteko Jaialdirako sarrerak. Saio bakoitzak 3 euro balio du eta, era berean, hamar saioko abonuak jarri dira salgai, 20 eurotan. Zinema-ekimenak, zehazki, sarrerak erosteko lau sistema jarri ditu jendearen eskura: ohiko leihatila, leihatila elektronikoa, Saide zinema-enpresaren webaren bidezko salmenta eta, azkenik, salmenta elektronikoa.
Zehazki, Carlos III zinema-tokietan, lehiaketa hasi arte, ordutegi honetan egonen dira sarrerak salgai: 16:30etik 23:00etara, astelehenetik ostiralera, eta 16:00etatik 23:00etara, larunbat eta igandetan. Jaialdiak iraun bitartean, berriz, ordutegia hauxe izanen da: 10:00etatik 13:00etara eta 16:30etik 23:00etara, astelehenetik ostiralera, eta 10:00etatik 13:00etara eta 16:00etatik 23:00etara, larunbat eta igandetan.
Kondestablearen Civivox zentroko film-emanaldiak doakoak izanen dira, baina aurrez gonbidapena jaso beharko da saio bakoitza hasi baino ordubete lehenago.
Leihatila elektronikoa Carlos III zinema-tokietan bertan dago, eta sarrerak egunero eros daitezke goizeko hamarretatik aurrera eta inolako errekargurik gabe.
Telefono bidezko salmentari dagokionez, zerbitzua 10:00etatik 22:00etara dago erabiltzeko moduan, 948 222 333 telefonoan. Telefono bidezko erosketari errekargu bat gehitu behar zaio.
Bultzatzailea
 |
Antolatzailea
|
Laguntzaileak
|