Epea ireki da Punto de Vistaren 8. edizioaren akreditazioak eskuratzeko. Jaialdia otsailaren 19tik 24ra bitarte egingo da.

Gaurtik hasita, hots, urtarrilaren 10etik otsailaren 8ra bitartean, profesionalek eta kazetariek aukera izango dute Punto de Vistaren zortzigarren ediziorako akreditazioa egiteko, jaialdiaren web orrialdearen bitartez.

Akreditazio profesionala zinemako eta ikus-entzunezko sormenaren esparruko profesionalentzat da soilik (produkzio-etxeak eta banatzaileak, errealizadoreak eta programatzaileak); baita ere, hirugarren zikloko ikasleentzat (ikus-entzunezko ikasketa espezifikoak). Izena emateko, 15€ ordaindu behar dira.

Prentsa-akreditazioa, berriz, komunikabideetako ordezkarientzat da (prentsa idatzia, prentsa elektronikoa, prentsa-agentziak, telebista eta irratia).

Bi akreditazioen bidez, lehentasuna izango da Atal Ofizialeko goizeko emanaldietara, prentsaurrekoetara eta aurkezpenetara sartzeko. Akreditatuek beste ziklo batzuetako emanaldietara sartu ahal izango dute kopuruaren arabera.

Akreditazio-kopurua mugatua denez, Jaialdiak erabakiko du horiek nola banatu. Eskaera bidali arren, baliteke akreditaziorik ez lortzea.