Punto de Vista jaialdiak nazioarteko zinema-mintegia egingo du 2014ko otsailaren 19tik 22ra
Iruñak otsailean hitzordu berria hartuko du fikziozkoa ez den zinemarekin. Punto de Vista jaialdiak mintegi bat eskainiko du Ignacio Agüero (Txile) eta Pema Tseden (Txina) zinemagileak protagonistak dituela; horiek Iruñan izango dira beren filmak aurkezteko, bertaratuekin eztabaidatzeko eta zinemari buruzko hausnarketa egiteko. Mintegian izena emateko epea datorren azaroaren 4an irekiko da.
Iruñak otsailean hitzordu berria hartuko du fikziozkoa ez den zinemarekin. Punto de Vista jaialdiak mintegi bat eskainiko du Ignacio Agüero (Txile) eta Pema Tseden (Txina) zinemagileak protagonistak dituela; horiek Iruñan izango dira beren filmak aurkezteko, bertaratuekin eztabaidatzeko eta zinemari buruzko hausnarketa egiteko. Mintegian izena emateko epea datorren azaroaren 4an irekiko da.
Mintegiak, 2014an jaialdirik eza ordezkatzeko antolatuak, irakaskuntzako eta filmak erakusteko topagune izan nahi du, jaialdiaren deialdi baten eta bestearen arteko zubitzat balioko duena. 2012an bezala, mintegiaren bigarren edizio honetan ere nazioarte-mailako bi zinemagile egongo dira, kasu honetan, Ignacio Agüero eta Pema Tseden, beren obra gure herrialdean kasik aurkeztu ez duten zuzendariak. Halaber, mintegiak horietako bakoitzaren atzera begirakoa aurkeztuko du.
Horretaz gain, hitzordu honetan zehar, Proyecto X Films ekimenaren edizio berri bat egingo da eta Francina Verdés-en proiektuaren 2013ko edizioaren baitan egindako filma aurkeztuko da. Proyecto X Films ekimenaren laugarren hitzordu honetan, azaleratzen ari ziren dokumentalista espainiarrei Nafarroan saiakera forman ikus-entzunezko sormenak egiteko aukera eskaintzeko 2010ean hasi zena, artista parte-hartzaileak Aitor Gametxo, Eloy Dominguez eta Mercedes Mangrane dira.
Amaiera gisa, otsailaren 22an, larunbata, amaiera-saioak espazio berri bat irekiko du, Punto de Vista jaialdiaren hurrengo edizioetan jarraipena izango duena: “Zinema pentsatu”. 2014an, programaren izenburua Snow Movies izango da eta elurrarekin zerikusia eta harenganako debozioa izango duten pieza-multzo bat bilduko du. Saioa Menchu Gutiérrez poeta espainiarrak zuzenduko du, gaur egungo saiakera-idazlerik eta idazlerik onenetarikoa eta Decir la nieve izeneko liburuaren egilea.
Plaza-kopurua mugatua da, 100 lagun, beraz, antolakuntzak zinema-eremuko eta ikus-entzunezko sormenen eremuko profesionalen eta unibertsitateko ikasleen eskariei emango die lehentasuna.
Izena emateko kuota 75 eurokoa izango da eta, hor, honako hauek sartzen dira: egiaztapena, katalogoa, bi master class, proiekzioetara sarrera, otsailaren 20, 21 eta 22ko kafea hartzeko tarteak eta otsailaren 20ko eta 21eko bazkariak. Horretaz gain, norbaitek otsailaren 22ko bazkarira ere joan nahiko balu, orduan, izena emateko kuota 90 eurokoa litzateke.
Bultzatzailea
 |
Antolatzailea
|
Laguntzaileak
|