Albisteak

<i>Stories we tell</i>, hurrengo apirilaren 24an, Nafarroako Filmotekan
14.04.11

Stories we tell, hurrengo apirilaren 24an, Nafarroako Filmotekan

Stories we tell Sarah Polleyren azken pelikula da, aktore eta zuzendari kanadarraren proiekturik pertsonalena, familiaren historian murgiltzen baita. Gertuko jendea elkarrizketatuz, aitak idatzitako lekuko baten bitartez eta Super 8 formatuan berregindako benetako home movie batzuekin, Sarah Polleyk familiaren enigma handi baten erantzuna bilatu nahi du, eta familia-kontakizuna mosaiko xume batean irudikatzen du, maisutasunez. Elkarrizketetan oinarritutako dokumental honetako azaleko gaia amaren desleialtasuna da. Gai sakonago bat jorratzen du, ordea: nor da gure oroimenaren eta oroimen horren alderik ilunenen jabea?

Gehiago irakurri

1.840 ikusle Punto de Vista 2014 mintegiaren film emanaldietan
14.03.05

1.840 ikusle Punto de Vista 2014 mintegiaren film emanaldietan

Bigarren mintegia bukatu berri den honetan, ikusle kopuruak argi salatzen du zeinen onarpen handia izan duen Punto de Vista-k aurten. Horrela, mintegiko 11 saio izan dira jendearendako zabalik eta, guztira, 1.840 ikusle bildu dira Nafarroako Filmotekako eta Saide Carlos III-eko zinema-tokietan; hau da, batez beste, 150 ikusle saio bakoitzeko Nafarroako Filmotekan, eta 248 ikusle bana beste, Saide Carlos III-eko aretoetan. Goizeko saioetan, gehienbat, Ignacio Agüero eta Pema Tseden zinemagileen zineman pausatu da begirada, eta mintegian izena emandako 128 lagun bertaratu dira egunero. Punto De Vista jaialdi formatuarekin itzuliko da heldu den urtean.

Gehiago irakurri

Salgai daude Punto de Vista mintegiko emanaldietarako sarrerak
14.02.07

Salgai daude Punto de Vista mintegiko emanaldietarako sarrerak

Punto de Vista mintegiko emanaldi guztietarako sarrerak salgai daude dagoeneko. Mintegian izenik ez baduzu eman eta arratsalde saioetara joan nahi baduzu, sarrerak Punto de Vista jaialdiaren eta Nafarroako Filmotekaren web-guneetan edo Saide zinema-aretoan eros ditzakezu, saioa non izango denaren arabera.

Gehiago irakurri

Menchu Gutierrez, elurretan gidari
14.02.05

Menchu Gutierrez, elurretan gidari

Snow movies saioan elurra goresten duten lau pelikula jarriko ditugu eta, gidari gisa, sorkuntzaren eta aire zabalaren eremuan den xerparik onena gonbidatu dugu: Menchu Gutierrez, ekaitz, laino eta elurteez asko dakien idazlea. Menchu Gutierrezek gurekin batera egingo du Japoniatik Siberiarako bidaia zuria, mintegia amaitzeko saio berezian. Menchu kantauriar menduetan bizi da orain, baina lehen Igeldoko itsasargian bizi zen. Zuzenean ezagutu ditu hainbat mutur, eta testu eder eta sakon bat idatzi digu Cincuenta centímetros de nieve izenburu duen aurtengo libururako: “Elurra gure aztarnak irartzen diren lehen orria, lehen zinema-pantaila, lehen liburua da, lur-arrasean zabaldua”.

Gehiago irakurri

Francina Verdesen La casa de mi padre, iazko X Films proiektua irabazi zuen filma, estreinatuko dugu...
14.02.05

Francina Verdesen La casa de mi padre, iazko X Films proiektua irabazi zuen filma, estreinatuko dugu otsailaren 22an

Otsailaren 22an, larunbatean, X Films proiektua izango da protagonista Saide Carlos III zinema-aretoan, 17.30eko saioan. Batetik, Punto de Vista jaialdiko aurtengo edizioan zein proiektu aukeratu duten emango da aditzera. Eta bestetik, iaz X Films proiektuko irabazle izan zen filma estreinatuko dugu: Francina Verdesen La casa de mi padre, hain zuzen ere. Sarrerak zinema-aretoko leihatilan daude salgai, 3 euroan.

Gehiago irakurri

Bultzatzailea
Gobierno de Navarra
Antolatzailea
NICDO
Laguntzaileak
Con la financiación del Gobierno de España. Instituto de la Cinematografía y las Artes Audiovisuales Acción Cultural Española Plan de Recuperación, Transformación y Resiliencia Financiado por la Unión Europea. NexGenerationEU
volver_arriba

Geure cookie eta bitartekoenak erabiltzen ditugu helburu hauetarako:

Zure ekipoan instalatzen diren cookieak konfiguratzeko, hautatu ala desautatu cookien aukerak, eta, ondoren, sakatu "Gorde hobespenak" botoia.
"Cookie guztiak onartu" botoian klik egitean, onartu cookie guztiak instalatzea.
Halaber, "cookieak errefusatu" botoiaren bidez, ukatu egiten du horien guztien erabilera.
Klikatu hemen gure Cookie Politikari buruzko informazio gehiago lortzeko.