Hasi da Punto de Vista jaialdiko 9. ediziorako akreditazioak eskatzeko epea; jaialdia otsailaren 10ean hasi eta 15ean amaituko da.
Gaur, abenduak 15, hasi da Nafarroako Punto de Vista Zinema Dokumentaleko Nazioarteko Jaialdiaren hurrengo ediziorako akreditazioak eskatzen epea. Eskariak egiteko epea urtarrilaren 30ean amaituko da. Epea amaitu ondoren, akreditazioaren prezioa %50 igoko da. Akreditazioak nahi dituzten profesional eta kazetariek jaialdiko web-orrian eska ditzakete.
Akreditazio profesionala zinemako eta ikus-entzunezko sormenaren esparruko profesionalentzat da soilik (produkzio-etxeak eta banatzaileak, errealizadoreak eta programatzaileak); baita ere, hirugarren zikloko ikasleentzat (ikus-entzunezko ikasketa espezifikoak). Izena emateko, 20€ ordaindu behar dira.
Prentsa-akreditazioa, berriz, komunikabideetako ordezkarientzat da (prentsa idatzia, prentsa elektronikoa, prentsa-agentziak, telebista eta irratia).
Bi akreditazioen bidez, lehentasuna izango da Atal Ofizialeko goizeko emanaldietara, prentsaurrekoetara eta aurkezpenetara sartzeko. Akreditatuek beste ziklo batzuetako emanaldietara sartu ahal izango dute kopuruaren arabera.
Akreditazio-kopurua mugatua denez, Jaialdiak erabakiko du horiek nola banatu. Eskaera bidali arren, baliteke akreditaziorik ez lortzea.
 |
|
|