Ireki da Punto de Vista jaialdiaren bederatzigarren edizioan izena emateko epea

Ireki da Punto de Vista jaialdiaren bederatzigarren edizioan izena emateko epea
2014/06/17
Punto de Vista jaialdiak bederatzigarren edizioko sail ofizialean filmak aurkezteko deialdia ireki du. Deialdiaren oinarriak eta izena emateko orria jaialdiaren web orrian kontsultatu daitezke. Epea irailaren 30ean amaituko da.

 Punto de Vista jaialdiak bederatzigarren edizioko sail ofizialean filmak aurkezteko deialdia ireki du. Deialdiaren oinarriak eta izena emateko orria jaialdiaren web orrian kontsultatu daitezke. Epea irailaren 30ean amaituko da.

Jaialdian 2012ko abuztuaren 1aren ostean egindako film dokumentalek parte har dezakete, naziotasuna gorabehera. Hautatutako filmak jaialdiaren zazpigarren edizioko sail ofizialean lehian arituko dira Iruñean, 2015ko otsailaren 10tik 15ra.

Aurreko urteetan bezala, jaialdiaren xedea da sail ofizialean biltzea errealitatea ikuspuntu desberdinetatik hautemateko gai diren mundu osoko lanak, ikuspuntu berritzaile, independente eta sozialki konprometituak dituztenak.
Punto de Vista espiritu berritzaile eta ausarta duen proposamena da eta bertan parte hartzen duten zinemagileek film bakoitzarekin bide berriak bilatzearen aldeko apustua egiten dute, betiere, konpromiso etiko eta formala argia izanda.

Sariak

Ofizialeko Epaimahaiak sari ofizial hauek emango du:

- “Punto de Vista” sari nagusia, film onenarentzat: 10.000 euro. Epaimahaiak jaialdiko sail ofizialeko lanik onenari emango dio saria, lanaren iraupena eta nazionalitatea gorabehera.
- Zuzendari onenaren Jean Vigo Saria, 5.000 eurokoa. Sariak Jean Vigori egiten dio ohore, eta Atal Ofizialean haren lanen balio etiko eta formalak egokien irudikatzen dituen filmaren zuzendariari emango zaio.
- Film laburrik hoberenarentzako saria: 3.000 euro. Saria 35 minutuko iraupena edo laburragoa duen filmik onenari emango zaio.


Sari berezi hauek ere emango dira:

- Ikusleen sari berezia, film onenarentzat: 1.500 euro.
- Pelikula onenaren Gazteen Saria, 1.500 eurokoa.
- « Rencontres Cinématografiques de Cerbère-Portbou » Saria, 300 eurokoa.


Ikusleen Sari Berezia emateko araudia jaialdiko zuzendaritzak zehaztuko du, eta aukeraketa-prozesuan parte hartu nahi duten ikusleek emango dute, jaialdiko zuzendaritzak ezarriko duen prozeduraren bitartez.

Gazteen Saria Gazteen Epaimahaiak emango du, jaialdiko zuzendaritzak ezarriko duen prozeduraren bitartez. Epaimahai hau 18 eta 25 urte arteko 50 gaztek osatuko dute. Gazteen Epaimahaian borondatez parte hartuko dute eta epaimahaikideek Atal Ofizialeko pelikula guztien emanaldietara joan behar dute, goizeko saioetan. Epaimahaiko kide izateko izena jaialdiaren web-orrian eman behar da, 2014ko azaroaren 3tik aurrera.

Rencontres Cinématografiques de Cerbère-Portbou Saria elkarrekin emango dute Punto de Vista eta Rencontres Cinématografiques de Cerbère-Portbou jaialdietako zuzendaritzek. Irabazleak Rencontres Cinématografiques de Cerbère-Portbou jaialdiaren 2015ko edizioan parte hartuko du. Zuzendariaren bidaia eta Cerbèreko egonaldia eta sariaren zenbatekoaren erdia jaialdi horretako antolatzaileen kontura izango dira.


 

Zerrendara itzuli

Bultzatzailea
Gobierno de Navarra
Antolatzailea
NICDO
Laguntzaileak
Con la financiación del Gobierno de España. Instituto de la Cinematografía y las Artes Audiovisuales Acción Cultural Española Plan de Recuperación, Transformación y Resiliencia Financiado por la Unión Europea. NexGenerationEU
volver_arriba

Geure cookie eta bitartekoenak erabiltzen ditugu helburu hauetarako:

Zure ekipoan instalatzen diren cookieak konfiguratzeko, hautatu ala desautatu cookien aukerak, eta, ondoren, sakatu "Gorde hobespenak" botoia.
"Cookie guztiak onartu" botoian klik egitean, onartu cookie guztiak instalatzea.
Halaber, "cookieak errefusatu" botoiaren bidez, ukatu egiten du horien guztien erabilera.
Klikatu hemen gure Cookie Politikari buruzko informazio gehiago lortzeko.