2015/01/23
Burkina Faso Afrika mendebaldean kokatzen da eta urteko 365 egunetan gozatzen du eguzkiaz; gaueko hamabietan, baina, bat-batean, iluntasunean murgiltzen da, norbaitek etengailu handi bati sakatu izan balio bezala. Beti bidelagun izaten duen bere soinu arduradunarekin batera, Seb Coupy frantziar zinemagilea garai batean kolonia izan zen herrialdean zehar ibiliko da, askotariko eszenak eta biztanleek testigantzak bilduz.
Burkina Faso Afrika mendebaldean kokatzen da eta urteko 365 egunetan gozatzen du eguzkiaz; gaueko hamabietan, baina, bat-batean, iluntasunean murgiltzen da, norbaitek etengailu handi bati sakatu izan balio bezala. Beti bidelagun izaten duen bere soinu arduradunarekin batera, Seb Coupy frantziar zinemagilea garai batean kolonia izan zen herrialdean zehar ibiliko da, askotariko eszenak eta biztanleek testigantzak bilduz: batzuek iluntasunak dakarren liberazioaz gozatzea nahiago duten bitartean, beste batzuek saminki kexu dira herrialde hartan argindarrak duen prezioaz; argindarraren % 70 gasolina edo ekipo elektrogeno bidez sortzen da Burkina Fason. Bonbilla, baina, aurrerapena zein mehatxua izan daiteke. Orain arte Burkina Fasoko tradizioetan nagusi ziren elezaharrek kolorea galtzen joateko arriskua dute, eguzkitan denbora gehiegiz egon diren argazki zahar horiei gertatzen zaien bezala. Kamera aurrean hitz egiten duen herritar baten dioen bezala: “sorginak ez dira irteten argitsu dagoenean”. Eta ez sorginak bakarrik. Luzemetraia argazkiz eraikita dago erabat eta zineak berak argindarra behar duela ikustarazten dio ikusleari. Lau pila besterik ez badira ere.
Argibideak eta sarreren salmenta: Filmoteca de Navarra
