Albisteak
16.10.05
Oleg Rencontres Cinématographiques de Cerbère-n saritua Andres Duque-ren Oleg y las raras artes filma saritu dute Cerbère Frantziako mugako herrian egiten den zinema-jaialdien topaketetan, aipamen berezia eginez. Filma, Oleg Karavachiuk piano-jolea eta musikoa erretratatzen dituena, izan zen aurten Punto de Vista Jaialdiak bere 2016ko edizioa aurkezteko eraman zuen ordezkaria.
16.10.05
1.290 filmek eman dute izena 2017ko Punto de Vista Jaialdiaren hurrengo ediziorako Punto de Vista Jaialdian filmak inskribatzeko epea irailean amaitu zen udako hiru hilabetetan irekita egon ondoren. Hirugarren urtez jarraian, jaialdiko sail ofizialean mila filmetik gora aurkeztu dira eta Oskar Alegria zuzendari artistikoak adierazi duenarekin bat “zinema nafarraren lehiaketa honek osasun onari eta nazioarteko interesari dagokionez duen joera gorakorra” azpimarratu behar da.
16.09.26
Ostiral honetan, irailak 30, bukatuko da Punto de Vista 2017 jaialdian izena emateko epea Film laburrak eta luzeak kontuan hartuta, dagoeneko fikziozkoak ez diren 850 film inskribatu dira, hainbat herrialdetakoak, eta programazio batzordeko kideak hasiak dira filmen hautapena egiten. Aurtengo edizioan honako hauek osatzen dute programazio batzordea: Oskar Alegria, Alexei Dmitriev, Ozge Calafato, Guillermo García Peydró eta Koldo Almandoz.
16.06.19
Let the Fire Burn, amaiera lazgarriko segada baten historia hurrengo FOCO Punto de Vistan Bost haur eta sei heldu hilik. Eta 60 etxe baino gehiago suak suntsituak. Modu lazgarri hartan amaitu zen erabaki polizial polemiko hura, izan ere, haren ondorioz, Philadelphiako agintariek sutan kiskaltzen utzi zituzten Osage Avenueko etxe batean gotortu ziren MOVE-komunitate beltzaren askatasunerako mugimenduko azken kideak, 1985ean Ondoko ikerketak zabarkeria egotzi zien poliziaburuei, suhiltzaileen lana galarazteagatik, baina ez zuten inor espetxeratu. Etxetik ihes egiten moldatu zen emakumea baino ez, Ramona Africa, konspirazioagatik eta matxinada bultzatzeagatik errunduntzat jo zutena.
16.05.23
Kubako iraultzako fusilatuak konfesatzen zituen fraide euskaldunaren testigantza, ondoko FOCO-Punto de Vista-n "Ez da erraza norberaren baitako zokoetan gertatzen den gatazkan ikusle izatea". Hala dio Oñatiko Javier Arzuaga fraide franziskotarrak. Abadetza utzi zuen fede krisi sakonak izan ondoren, Kubako iraultzaren garaipenaren hasieratan, besteak beste, begien aurrean ikusi zuelako La Habanako espetxe nagusi zen La Cabaña-n, fusilamendu pelotoiak nola hiltzen zituen 55 preso.
16.04.25
Allan Sekula eta itsasoa merkatarien tenplu gisara irudikatzeko bere parabola Punto de Vistaren hurrengo FOKUan Itsasoko hodeiertzak aspaldi utzi zion bi elementuz (itsasoa eta zerua) baizik osatua ez dagoen irudia izateari. Edozein kostaldetan gaudela, begiak paseatzera ateratzen baditugu, luze gabe hirugarren osagaia agertuko zaigu, nahitaez, munduaren amaierako marra horretan parasito: itsasontzi bat.
16.03.29
O Futebol eta Garazi / The Basques of Santazi jardunaldi bikoitza martxoko FOCO Punto de Vista-n Sergio Oksmanen eta Carlos Muguiroren azken pelikula Locarnoko jaialdian estrenatu zen eta harrera ona izan zuen; orain, martxoko FOCO-Punto de Vista sailean izanen da ikusgai, jaialdiak urtean zehar hartzen duen gunean, alegia, hileko azken ostegunetan Nafarroako zinematekan.
16.02.23
Keywan Karimik urtebeteko kartzelaldia bete, eta 223 zigorrada jasoko ditu Keywan Karimi zinemagile irandarrak kondena hau jaso du azkenean: urtebeteko kartzela aldia, 223 zigorrada eta 20 milioi erreal irandarreko isuna (600 euro inguru), Writing on the City pelikulagatik. Filma Punto de Vista jaialdiaren hamargarren edizioan estreinatu zen mundu mailan, eta nazioarteko epaimahaiaren aipamen berezia jaso zuen bertan. Epaia Irango Apelazioen Auzitegiak eman du berriki, eta apelaezina da.
16.02.22
Otsailean, Foco Punto de Vista zikloan: Bruce McClure Bruce McClure artistari interesgarriagoak zaizkio etxe-hondakinak egitura baino; proiekzioaren perfomancean nagusi dugu, eta gure hurrengo bisitaria izanen da Punto de Vista Jaialdiko Argitan sailean, otsailaren 26an Civicanen.
16.01.26
Chez les Basques berriro izango da Punto de Vistan, Iparraldeko artzainei eskainitako saio berriarekin Ostegun honetan, Mendebaldeko Filmotekan, Artzai Zinema Egunas izango da, eta ikus-entzunezko antropologiaren bi altxor eskainiko dira; mendiko artzaintzari buruzko bi dokumental. Garazi eta The Basques of Santazi bi pelikulatan, Nafarroako alboko bi inguru dokumentatzen dira, mugaren beste aldean daudenak. Lehena Behe Nafarroan aurkitzen da, Azkoarekin eta Errorekin mugan; bigarrena, berriz, Zuberoan, Belaguaren mugaren beste aldean. Bakoitzean galtzear dagoen bizimoduaren azken taupadak biltzen dira: goi-zelaietako txaboletako udaberri eta uda garaiko artzaintza isolatua. 60ko eta 80ko hamarkadetan egindako pelikula horietan, mugan zehar bidaia egingo dugu mendietako azken biztanleen eskutik.
Bultzatzailea
 |
Antolatzailea
|
Laguntzaileak
|