Andres Duque-ren Oleg y las raras artes filma saritu dute Cerbère Frantziako mugako herrian egiten den zinema-jaialdien topaketetan, aipamen berezia eginez. Filma, Oleg Karavachiuk piano-jolea eta musikoa erretratatzen dituena, izan zen aurten Punto de Vista Jaialdiak bere 2016ko edizioa aurkezteko eraman zuen ordezkaria. Lehiaketaren irabazlea Sina Ataeian Dena irandarraren Paradise filma izan zen, Nantes Festival des 3 continents zinema-jaialdiak hautatua.
Rencontres Cinématographiques de Cerbère Rayon-Vert-eko Belvédère Hotelean ospatzen da, zinema eta arkitektura surrealistan enblematikoa den lekuan, Kataluniak Frantziarekin muga egiten duen lekuan kokatua. Bertan, urtero, zinema independenteko hainbat jaialdi egiten dira, horien artean, L´Alternativa, Cinéma du Réel, Fid Marseille, Cinemaginaire, bakoitza ordezkatzen duten film batekin. Ignacio Agüero-k El otro día filmarekin, hori ere Punto de Vista Jaialdiak hautatua, 2014ko edizioko sari nagusia eskuratu zuen.