Hurrengo ostiralean, irailak 15, Punto de Vista 2018 jaialdian pelikulen izena emateko epea amaituko da

Pelikulek Nafarroako Punto de Vista – Nafarroako Zinema Dokumentaleko Nazioarteko Jaialdiko 12. edizioaren Atal Ofizialean pelikulen izena emateko epea hurrengo ostiralean amaituko da, irailak 15. 

Edozein nazionalitateko dokumentaleko filmek hartu ahal izango dute parte – luzemetraiak zein laburmetraiak – 2016ko abuztuaren 1etik aurrera eginak. Jaialdiko hautaketa batzorde berriak baloratuko ditu deialdi honetara aurkezten diren lanak, lehiaketaren zuzendari artistikoa buru izanik, Garbiñe Ortega. Batzorde honen osaera laster emango da ezagutzera.

Epe hau uztailaren hasieran zabaldu zen, eta aurreko edizioetako izena emateko epea baino 15 egun lehenago itxi du, horietan lanak irailaren 30era arte onartzen baitzituen.

Filmen izen-emate prozesua oso erraza da, baita doakoa ere: pantaila batean pelikularen datuak bete behar dira eta ondoren esteka bat gehitu behar da hura ikusi ahal izateko. Hori guztia honako orrian egingo da:

http://puntodevistafestival.com/es/inscripcion_pelicula.asp

Kultur Zuzendaritza Nagusia – Príncipe de Viana Erakundea Punto de Vista jaialdiko 12 edizioa antolatzeaz arduratuko da, Iruñean, 2018ko martxoaren 5 eta 10 bitartean.

Aurreko urteetan bezala, jaialdiaren xedea mundu osoko ekoizpenak biltzen dituen Atal Ofizial bat osatzea izango da, bertan errealitatea adierazteko modu desberdinekin parte hartu ahal izateko, ikuspegi desberdin, berritzaile, independente eta gizartearekiko konpromisoarekin.