2020/02/06
Lana artxibozain eta zinemagile ospetsuak eskainitako tailerrean egin zen eta 2019ko jaialdiaren amaiera ekitaldian erakutsi zen.
2019ko Punto de Vista Labs programazioaren barruan “Participatory Cinema: Assembly over Algorithm” (“Zinema parte hartzailea: algoritmoen gaineko muntaketa”) tailerra nabarmendu zen, Rick Prelingerrek eskainia Uharteko Arte Garaikideko Zentroan. Tailerrean, parte hartzaileen eta Prelingerren artean kolektiboki egin zen Lost Landscapes: Pamplona filma, Lost Landscapes sailaren barruan. Sail hori hainbat filmekin osatzen da; Prelingerrek 2006az geroztik esklusiboki artxiboko materialarekin egin ditu eta hiri bat irudikatzen dute. Hori horrela, New York, Los Angeles, San Francisco, Detroit eta Oakland hiriek osatutako zerrendari batu zitzaion Iruña. Lost Landscapes: Pamplona konbinazio bat da, une intimoek, auzoen oroitzapenek eta zinemagile amateurrek filmatutako beste film ikuspegi bitxi batzuek osatua.
Filma jaialdiaren azken egunean erakutsi zen Baluarten, eta Uharteko Arte Garaikideko Zentroarekin eta Nafarroako Filmotekarekin lankidetzan egin zen. Punto de Vistaren Vimeo kanalean ikus daiteke osorik: https://vimeo.com/puntodevistafestival.
Rick Prelinger artxibozaina, zinemagilea eta Kaliforniako Unibertsitateko irakaslea da, eta Prelinger artxiboen sortzailea (jabetza publikoko ikus-entzunezko lanen bilduma). 1985az geroztik figura gakoa izan da artxibo zinematografikoaren arloan eta haren bilduma mundu osoan eskura daiteke Getty Images erakundearen eskutik. Internet Archive liburutegiaren zuzendaritza batzordeko kidea da, eta, Megan Prelingerrekin batera, Prelinger Library liburutegiaren sortzailea. Azken hori, liburutegi pribatua da, ikus-entzunezko jabetzearen aldekoa, eta San Franciscoko erdigunean dago.
Tailerrean, honako hauek parte hartu zuten: Irene Aguirre, María Aizpuru Ayerbe, Luis Azanza, Irma Baldwin Mateo, Carolina Cappa, Mirari Echavarri, Nerea Ganzarain, Saleta Gómez Ruano, Patricia Goroskieta, Ione Atenea Lameiro Garayoa, Marina Lameiro, María Laura Mastantuono, Anna Mitjà Comas, Johanna Moya, Iker Oiz, Maite Redondo, Carlos Saldaña Puerto, Jessica Silva, Javier Urtasun, Carla Vidal.
