2021/01/27
Profesionalek eta kazetariek jaialdiaren web orrian eman dezakete izena martxoaren 15etik 20ra egingo den aurtengo ediziorako.
Gaurtik hasita eta martxoaren 3a arte, zabalik egongo da izena emateko epea Punto de Vista jaialdiaren aurtengo edizioan parte hartu nahi duten profesional, kazetari eta ikastetxe guztientzat.
Aurten, bi akreditazio modalitate izango ditu jaialdiak: aurrez aurreko + online akreditazioa, eta soilik online akreditazioa. Aurrez aurreko akreditatu guztiek online akreditazioa ere izango dute, zeinaren bidez jaialdiaren programazioaren eduki batzuetara sartu ahal izango den hilabete batez, martxoaren 15etik apirilaren 15era. Akreditazio kopuru jakin bat banatuko denez, jaialdiaren antolatzaileen irizpideen arabera emango dira. Eskaera bidaltzeak ez du esan nahi akreditazioa ezinbestean lortuko denik.
Profesionalentzako akreditazioak izango dira zinearen eta ikus-entzunezkoen sorkuntzan lan egiten duten pertsonentzat (ekoizpena eta banaketa, errealizazioa eta programazioa). Aurrez aurreko + online akreditazioak 30€ balioko du; soilik online akreditazioak, 12€. Prentsa akreditazioa doakoa izango da, soil-soilik hedabideetako langileentzat. Azkenik, ikastetxeen akreditazioak bereziki pentsatuta daude ikus-entzunezko ikasketetako gradudun eta lizentziadunentzat. Punto de Vista jaialdia, horrenbestez, ez-fikziozko zinean interesa duten ikasleen topagune bihurtuko da berriro.
Akreditazio eskaera hemen egin daiteke.
