Punto de Vistak edizio honetarako sarrerako pieza aurkeztu du, aurten Valentina Alvarado artistak egina.

Valentina Alvarado artistak diseinatu du Punto de Vistaren 2021eko ediziorako sarrerako pieza. Jaialdiak zinemagile bati eskatzen dio urtero saio guztien hasieran proiektatzen den pieza labur hori egitea. Hala, Valentina Alvarado aurreko artista zerrendari batu zaio; bertan dira, besteak beste, Fernando Franco, Jaione Camborda eta Lois Patiño.

Se levanta el sol izena duen sarrerako piezaren hiru bertsioak ikusgarri daude jaialdiaren Vimeoko kanalean.

“Sortzear dagoen erraboil bati so egitea, bere eguneroko zalantzazko hazteari erreparatzen diodala. Sustraiak marmoken antzera mugitzen dira, uzkurtu, usteldu, loratu egingo ote da? Hazi hitzean pentsatzen dut, existitzen ez diren gorputz ernamuinduetan, eguneroko hazkuntzan. Eraikitako paisaia baten aukerak: irudikatutako toki txiki posible zimurtu honi paper-estratuak, buztin-zatiak, argiak eta ehundurak txertatzea arduraz eta pazientziaz betetako ukipen-ekintza bat da.” ─Valentina Alvarado.

Valentina Alvaradok Diseinu Grafikoa ikasi zuen Zuliako Unibertsitatean, eta bertan aritu zen irakasle-lanetan ere, Arteen Fakultatean. 2014an, Espainiara joan zen bizitzera, Bartzelonako Unibertsitatean arteetako master bat ikastera. Bere piezak Punto de Vista, Rotterdam, Oberhausen, (S8) Mostra de Cinema Periférico, Xcèntric eta San Francisco Cinematheque-n erakutsi dira, besteak beste. Urte horren hasieran, erresidentzia bat egin zuen LIFTen, Kanadan, ACE Cultura eta (S8)-ren beka baten barruan. 2020aren amaieran, Y si ver era el fuego instalazioa egin zuen Carlos Vásquez Méndezekin batera, Kataluniako Filmotekako LOOP erakusketen programaren barne.