Gaur hasi da Punto de Vistaren 16. edizioa
Martxoaren 14tik 19ra 100 film inguru proiektatuko dira Jaialdiaren barruan programatutako 60tik gorako saioetan, eta hitzaldiak, performanceak eta Arga ibaian barrena paseo bat egiteko aukera ere izanen dira.
Punto de Vista 2022 jaialdiaren zifra garrantzitsuenak
- Guztira, 60 jarduera eta proiekzio baino gehiago antolatuko dira Jaialdi osoan.
- Programazioa 7 sail nagusitan banatuko da: Sail ofiziala, Atzera begiradak, Fokuak, Lan, Kontaktuak, X Films eta Hezkuntza Programa.
- 100 film inguru proiektatuko dira sail guztietan.
- 20 nazionalitate baino gehiago bilduko dira Punto de Vista jaialdian, honako herrialde hauetatik ekarritako filmen bitartez: Japonia, Frantzia, Estatu Batuak, Espainia, Afganistan, Italia, Argentina, Bosnia, Txina, Irlanda, Filipinak edo Kamerun, besteak beste.
- Sail ofiziala osatzen duten filmen zuzendariak hamabi emakume eta hamar gizon izan dira. Horien artean, mundu mailako bi estreinaldi izanen ditugu: Ione Atenearen Los caballos mueren al amanecer eta Javier Codesalen Evangelio mayor.
- Punto de Vista 2022ko jarduerak 6 egoitzatan banatuko dira: Baluarte, Golem Zinemak, Oteiza museoa, Nafarroako Filmoteka, Civivox Condestable eta Katakrak.
Martxoaren 14etik 19ra bitarte, dokumentala eta bere errealitate guztiak Punto de Vistan bilduko dira, berriro ere.
Bultzatzailea
 |
Antolatzailea
|
Laguntzaileak
|