2022/01/27
Akreditazioa nahi duten profesionalek, ikasleek eta kazetariek jaialdiaren webgunean eska dezakete.
Ireki da jada Punto de Vista jaialdiaren hurrengo ediziorako akreditazioak eskatzeko epea, eta irekita egongo da martxoaren 2ra arte. Akreditazioa nahi duten profesionalek, ikasleek eta kazetariek jaialdiaren webgunean eska dezakete.
Akreditazio profesionala zinemaren eta ikus-entzunezko sormenaren arloko profesionalentzat dago erreserbatuta, eta 30 €-ko kostua izango du. Bestalde, ikasleentzako akreditazioak kanal berean eska daitezke, eta izena emateko kuota 8 €-koa da.Ordainketa jaialdiaren webgunearen bidez egin daiteke, martxoaren 3ra arte. Prentsako akreditazioa doanekoa da, eta hedabideen ordezkarientzat soilik dago erreserbatuta (prentsa idatzia, digitala, prentsa agentziak, telebista eta irratia).
Akreditazioak jaialdiko programaziora sartzeko aukera ematen du, saio bakoitzaren edukieraren arabera. Akreditazioen kopurua mugatua da; beraz, jaialdiak ezarritako irizpidearen arabera banatuko dira. Eskaera bidaltzeak ez du esan nahi akreditazioa jasoko denik.
GAZTEEN EPAMAHAIA
Otsailaren 21era arte irekita egongo da 16. edizioko gazteen epaimahaian izena emateko epea.Epaimahaian parte hartzeko interesa duten pertsonek izena eman dezakete esteka honetan: https://www.puntodevistafestival.com/es/jurado_juventud.asp?IdSubseccion=1.
