Punto de Vista Bilduma

Cartas desde el filo

Liburu hau 2018an hasitako proiektu baten emaitza da; proiektua, beraz, Garbiñe Ortegak eta Francisco Algarinek batera editatutako Correspondencias: cartas como películas lanarekin hasi zen, eta orduz geroztik, zinemagileen arteko gutun liluragarriak biltzen jarraitu du, pentsatu gabeko konexio eta loturak ezartzearren, genealogia eta familia zinematografiko berriak marrazteko asmoz. Aurten, Punto de Vistak, La Fabricarekin batera, Garbiñe Ortegak editatutako Correspondencias liburuaren bigarren liburukia eman du argitara; oraingoan, zinemagile garaikideak ardatz hartuta, hau da, aktiboan dauden edo duela gutxi arte egon diren artistak: Robert Frank, Gunvor Nelson, Apichatpong Weerasethakul, Richard Linklater eta Tsai Ming-liang, besteak beste.
 
Liburu honek hainbat interpretazio egiteko aukera ematen du: gutunen eta irudien arteko loturak proposatzen dira, denboran jauziak egiten dira, azpikapitulu tematiko ez esplizituak, omenaldi txiki sekuentziatuak —hala nola, Harun Farocki-ri edo abangoardiako zinema amerikarreko belaunaldi bati eskainitakoa (Barbara Hammer, Chick Strand, Stan Brakhage, Carolee Schneemann)—, eta proiektu honetarako idatzitako irudizko eskutitzak, orainaldiko zinemagileek (hala nola Mariano Llinás, Ana Vaz, Deborah Stratman) ezagutu ez zituzten zinemaren historiako zinemagileei –bizirik daudenak edo zendutakoak– zuzendutakoak.

NICDO, S.L. eta La Fábricak sustatua eta banatua.

• Telefonoa: +34 948 06 61 95
• Helbide elektronikoa: info@puntodevistafestival.com