"Hydra Decapita"-ren saiakera bitartekaritzan, jabetzaren esklabotzaren des-humanizazioak metamorfosi bat bizi du eta bizitza post-humanorako espekulazio espazio bihurtzen da. Otolith Group-ek (Kodwo Eshun eta Angalika Sagar) berraktibatu egiten du 90eko hamarkadako Detroiteko Drexciya talde technoaren mitoa, zeinaren arabera itotako emakume esklabo haurdunen jaio gabeko umeak mutazio bati esker urpean bizi ahal izango ziren. Eshunen hitzetan, zientzia fikzio honek dakarrena “ez da hutsala, baizik eta Middle Passage zeritzonaren izugarrikeria biopolitikoaren berrirudikapena”. Durundi egiten dute batera ozeanoaren ur azalaren irudiek, J.M.W. Turnerrek 1840an margotutako Zong esklabo ontziko sarraskia-ri eginiko erreferentziek eta “ahots isilak” entzuten dituen transkribatzaile asmatu baten lanak, eta konstelazio bat sortzen dute, aldi berean dena requiem bat eta bizitza bizigarriagoek osatutako etorkizun baten bila dabilen fikzio indarberritzaile bat.