TIGRERO
Año1994 Iraupena75 min. HelbideaMika Kaurismäki GidoiaMika Kaurismäki, Christa Lang ArgazkilaritzaJacques Cheuiche, Samuel Fuller MuntaketaMika Kaurismäki Produkzioa
Mika Kaurismäki
Samuel Fuller zuzendari iparramerikarra Brasilgo oihanera joan zen 1954an, jaguar ehiztari bati buruzko abenturazko pelikula bat filmatzeko asmoarekin; pelikulako protagonistak ziren John Wayne, Tyrone Power eta Ava Gardner.Proiektuak ez zuen babes ekonomiko nahikoa izan eta, Santa Isabel do Morro herrixkako Karaja indiar indigenekin lokalizazio batzuk filmatu eta zinta metro batzuk grabatu ondoren, filmazioa bertan behera utzi zuten.Berrogei urteren ondoren, Mika Kaurismakik Fullerri proposatu zion oihanera bueltatzea, oraingoan Jim Jarmush lagunarekin, eta etendako zinta hura berreskuratzea, sekula egin ez zuten filmaren historia kontatzeko.
Mika Kaurismäki
Mika Kaurismäki. Institutuko ikasketak amaitu ondoren, Mika Kaurismäki lanean hasi zen, Finlandia hego-ekialdeko hiri txiki batean etxeak pintatzen. Behin, lantokitik irtendakoan, liburu-denda batean sartu eta Peter von Baghen Historia del Cine liburua erosi zuen; orduan, zuzendari izan nahi zuela erabaki zuen. Kaurismäkik Munichen egin zituen zine ikasketak, 1977tik 1981era, eta The Liar filma aurkeztu zuen karrera amaierako proiektu gisa. Filma bere anaia txiki Aki Kaurismäkirekin batera idatzi zuen (anaia bera zen protagonista) eta Finlandiako zinemaren aro berri baten hastapena izan zen. Opera prima horren arrakasta ikusita, anaiek Villealfa Filmproductions produkzio etxea sortu zuten eta 80. hamarkada amaierarako herrialdeko hirugarren produkzio etxe handiena bilakatu zen. Anaiarekin batera sortu zituen, baita ere, Midnight Sun Film Festival ospetsua, Senso Films banaketa enpresa eta Helsinkiko Andorra zinea.90. hamarkadan Mika Rio de Janeirora joan zen bizitzera eta nazioarteko ekoizpen bateratuetan lan gehiago egiten hasi zen.
Programa berean
Bultzatzailea
 |
Antolatzailea
|
Laguntzaileak
|