Apiyemiyekî?

"Apiyemiyekî?" Egydio Schwade hezitzaile eta indigenen eskubideen aldeko militante brasildarrak bere udalerriko etxean aurkitu zuen artxibo batetik abiatzen den erretratu zinematografiko bat da. Bertan, gaur egun, Waimiri-Atroikoek, Brasilgo Amazoniako jatorrizko herriak, beren lehen alfabetatze-prozesuan zehar egindako 3.000 marrazki baino gehiago gordetzen dira. Marrazkiek memoria bisual kolektiboa dokumentatzen eta eraikitzen dute beren ikaskuntza-prozesutik, perspektibatik eta lurraldetik abiatuta, eta aldi berean Brasilen diktadura militarrean jasan zituzten eraso bortitz batzuen lekukotza ematen dute.

Ana Vaz (1986, Brasilia) artista eta zinemagilea da. Royal Melbourne Institute of Technology eta Le Fresnoy - Studio National des Arts Contemporains-en hezia, Vaz SPEAP (Sciences Po, École des Arts Politiques) proiektuko kide ere izan zen. Bere lanak Tate Modern, Tabakalera, New Yorkeko Zinema Festibala, Torontoko Zinema Festibala, Videobrasil eta Cinéma du Réel-en proiektatu dira. 2015ean Kazuko Trust saria jaso zuen, Film Society of Lincoln Centerrek emana, irudiarekin mugimenduan egindako lanaren bikaintasuna eta berrikuntza artistikoa aitortzeko.