Bamssi

Zirriborratu ote dezake inork mundu osoa harekin bizi diren animaliak filmatzearen ekintza soilean? Txakurrak, katuak, ardiak eta oiloak bizi dira Mourad Ben Amor tunisiar zinemagile gaztearen inguruan. Zinemagileak samurtasunez eta trebeziaz filmatzen ditu paseoko eta bizitzako lagunak.

Fairuz Ghammam belgikar zinemagilearen eta bere lehengusu gazteenaren, Mouraden, arteko sormenezko harremana da film honen abiapuntua. Mouradek, hamasei urte besterik ez zituela, hura bezala zineman aritzeko grina adierazteko gutun bat idatzi zion. Mugen distantziak bereizitako elkarrizketan, Ghammamek bere eguneroko unibertsoaren xehetasunak behatzera eta deskribatzera animatzen du Ben Amor.

Mundutarraren eta txeratsuaren artean, zinemagilearen begiradak ahots kritiko bat modulatzen du, filmatutako materiala isil-misilka blaituz doana: Bamssi txakurraren laztan bakoitzean aurkitzen dugu, Saïda katuaren kumeen jaiotzan, errepidean, olibondoen artean, itsasorantz. Ontasun horretatik keinu politikoa sortzen da, ainguralekua munduan. Ametsak eta kontzientzia.

Anna Brufau