Black Pond

Odisea bat Ingalaterra hegoaldeko lur komunal batzuetan barna, lurrak okupatzen dituen historia natural elkarteko kideek kontatua.

Jessica Sarah Rinland zinegile britainiar-argentinarrak nazioarteko galeria, zine, zine-jaialdi eta unibertsitateetan erakutsi ditu lanak, hala nola New York, Londres eta Rotterdamgo zine-jaialdietan, Oberhausenen, Edimburgoko Nazioarteko Zine Jaialdian, Bloomberg New Contemporaries-en eta Somerset Housen. Sari ugari jaso ditu, honakoak, besteak beste: sari nagusia Irudia Mugimenduan Bienalean,  Arts + Science Award saria Ann Arbor Film Festivalean, ICAko film esperimental onena LSFFn eta M.I.T.-eko Schnitzer saria arte-bikaintasunari. Gaur egun, artista elkartua da Somerset House Studiosen eta Harvardeko Unibertsitateko Zine Ikasketen Zentroko kidea.