Discurso al hombre en la oscuridad del cine

Jorge Oteizak erregistratutako soinu-artxiboa 

(11 min., Irun, azaroak 12, urtea falta da)

Curación de la muerte izenburua izan behar zuen Oteizaren Existe Dios al Noroeste poema-liburuak, 1990ean argitaratuak. Jorge Oteizak hainbat ohar utzi zituen izenburu horrekin, eta epigrafe horrekin aurkitu dugu, baita ere, soinu-artxibo hau, etorkizuneko liburu hori egiteko erregistro-oharren tankera duena, baina azkenean inoiz argitaratu gabeko testua. Ondo baino hobeto adierazitako adierazpen bat da; Jorge Oteiza aurrez aurre zuzentzen zaio ihes egiten duen gizakiari, eta zinemari buruzko hainbat ideia, unearen aldeko apustua eta ahanztura azalduko dizkio. Oteizak eskultura uztean eta zinemari ekitean, ihes egiten duen eta harrapatu nahi duen gizon horretaz hitz egiten du; hain zuzen ere, zineman sartzen den gizona baino ez da. Hori dela-eta, urte batzuk geroago eta aretoaren iluntasun berean entzundako soinu-grabazio honek ñabardura magikoak hartzen ditu; hau da, Jorge Oteizak aretoaren iluntasunean babesa bilatu duen gizakiari egiten dion diskurtsoa lehen aldiz entzuteko aukera da. Gizaki hori gu guztiok gara eta izango gara.