Events in a Cloud Chamber

1969an, Akbar Padamseek, Indiako pintura modernoaren aitzindarietako batek, Events in a Cloud Chamber (Laino-ganbera bateko gertakariak) filmatu zuen. Zenbait aldiz proiektatu ondoren, filma New Delhira bidali zen, erakusketa batera, baina galdu egin zen.

Labirinto berrien segida amaigabe batera daraman labirinto bat balitz bezala, Events in a Cloud Chamber filma desagertzea fabula bat bezala irakur daiteke. Besterik gabe artelan bat edo arrakastarik gabeko mugimendu zinematografiko esperimental bat desagertzea baino, zerbait amaitzeari buruzko ideia dakar gogora.

Arteak zahartzea geldiarazi eta heriotza deuseztatzen al du? Azken finean, desagertu diren hizkuntzak edo hilzorian egiten diren aitorpenak bezala, Events in a Cloud Chamber istorio mamu bat da; desagertzen den arteari, heriotzari eta atzean uzten ditugun mamuei buruzko meditazio bat.