La suite canadienne

Zer da, benetan, ikerketa artistiko bat? Suite Canadienne  lanak dantzari talde bati jarraitzen dio. Taldea Adam Kinner artistak zuzentzen du, eta fundatze ballet bat berridatzi nahi du, Suite canadienne, Ludmilla Chiriaeffena. Jatorrizko pieza Quebeceko jatorri kolonialetan kokatzen zen, eta mugimenduaren bidez garai bat espekulatzen zuen. Oraingoan, Kinnerrek eta bere taldeak pieza honen garrantzi historikoa eta Chiriaeff ballet quebectarraren amabitxia aztertu nahi dituzte. Materiala arantzatsua da: kolonia izaeraren oroimin apur batek konplexutasunez irekitzen ditu historia lezio ustez txiki hauek, herrialdeko zati frantseseko kulturarenak. Taldea pieza honetara ahal den modu guztietan hurbiltzera behartuta dago: nola jantzi beren gorputzak, nola ataldu mugimenduak, beren burua nola pentsatu besteekin batera ikerketa espazioan. Beren gorputzak bihurriak dira eta eszena bakoitzean genero binarioko identitate batekoak edo bestekoak diren jantziak trukatzen dira. Beren mugimendu eta material esperimentuek (argia, ahotsak eta oihalak) aurrera egiten duen heinean, Chiriaeffen biografia azaltzen dute. Erbestea, telebista publikorako koreografiak, umezurtzentzako dantza eskolak, Quebecek bere herrialdeko kultura historian eduki behar duen lekuari buruzko ideiak. La suite Canadienne orainalditik berreskuratutako historiaren dimentsio nahita performatibo bat ulertzeko eta berridazteko prozesuari, denborari buruzko filma da. Pandemiaren lehenengo urteetan filmatu zen, eta filmak beste gai batzuk aztertzen ditu isil-gordeka: zer gertatzen den mihiztatutako gorputzekin, espazioan biltzeko eta elkarrekin lan egiteko aukera mugatzen denean, nola pentsatzen den historia denbora beti etetear dagoenean. 

Lucia Salas