Meteor

Muller-Girardet tandemak zinemaren haurtzaroko bilduma zoragarria aurkezten digu; era horretan, bertan aurki ditzakegu Oliver Twist, Léaud en los 400 golpes, Caussat eta Bruel (Cero en conducta) eta Pascal Lamorisse handia globo gorria galdu ondorengo egonezinean. Nahasketa horren magia da haur horiek guztiek amets bera betetzea eta haren ohea mugagabea zeharkatzen eta gauaren ilunenean sartzen den espazio-ontzi bilakatzean beldur den eta amets egiten duen mukizu bera izatea logelako izaren azpian. Haurtzaroa beldurraren eta xalotasunaren burkoan jarrita. Eta misterioarenean. Eta beste batzuek dagoeneko filmaturiko eszenak erabiliaz zentzu propioa duten pelikulak beti sortzen dituzten zinemagile-biltzaile bikotearen arte handia. John Smith-en ahotsa inprimatzea merezi duen testua da, hitz solteetatik barrena aurrera egiten baitu sintagmen atzerako kontaketa bezala: light bright bed boy… Filmeen arteko film honen kredituak erabateko dream team izatea egiten du. Filmean Giacomo Puccini ere agertzen da soinuan.