Juan Huarte mezenasek agindutako pelikula da, haren industria sustatzeko balio zuena; aldi berean, ordea, Nestor Basterretxeari eta Jorge Oteizari aukera eman zien material zinematografikoarekin esperimentatzeko, eskultorikoa balitz bezala. Filmatutakoaren azken gidoia Nestor Basterretxearena da, baina jakin badakigu Oteizak ideia askotan parte hartu zuela (Jorge berak esaten zuen haren ustez pelikula honetan torlojo baten historia kontatu behar zela), eta kredituetan eskultore bezala amaitu zuen, produkzioaren eta banaketaren industria-formetan metafora esploratzen duen film batean. Halaber, Luis de Pablo musikariak eta Marcel Hanoun frantses zinemagileak parte hartu zuten, eta film laburra jaialdietan aurkeztua izan zen. Amaitutako pelikula batean Jorge Oteizak izandako parte-hartze tangentzialaren beste adibide bat da, azken egilea izan gabe.
