Overseas

Urtero, 200.000 emakume ateratzen dira Filipinetatik etxeko langile bihurtzeko. Mundu osoko herrialde aberats eta industrializatuetara bidaltzen dituzte. Atzerrira abiatu baino lehen, emakumeek prestakuntza integraleko programa bat egin behar dute, eta Ziurtagiri Nazionala lortu. Filmean, Filipinetako gobernuak ezarritako migrazio prozesu hori aztertzen da.

Sung-A Yoon Hego Korean jaiotako zinemagile eta artista frantsesa da, eta egun Bruselan bizi da. Paris-Cergy-ko Arte Ederretako Goi-mailako Eskola Nazionalean lortu zuen gradua 2005. urtean, eta Bruselako INSAS zinema eskolan, aldiz, 2008an. 2001etik 2011ra bitarte, hamar film labur zuzendu zituen eta, batik bat, erakusketetan egon ziren ikusgai. Fikzioari dagokionez, 2008. urtean "And I'll Keep in my Heart" film laburra amaitu zuen, eta Cinéfondation Cannes-eko Jaialdirako hautatua izan zen. 2012. urtean aita bilatzeari ekin zion, haur zenetik falta izan baitzuen, eta "Full of Missing Links" lehen film luze dokumentala bukatu zuen.