Paralelo 28

DCP 

Paralelo 28k munduko gatz-meatzerik handieneko langileen lan-baldintzak islatzen ditu. Meatzea Mexikoko iparraldean dago, eta filmak langileen jana lapurtzen duen soldadu-txakur begibakar baten istorioa kontatzen du. Lehengaiaren, ikustearen, paisaiaren, makinen eta lantokien errepresentazioaren paradoxan interesa du. Paradoxa honek irudi bidimentsionalez baliatuta gorputz baten hiru dimentsioak irudikatzearen ezinezkotasuna laburtzen du, eta lehengaia eta lana munduaren bolumenaren eta pisuaren froga bakartzat hartzen ditu, objektuen presentziaren eta irudien errepresentazioaren artean desberdintzerik ez dagoen historiako une honetan.

Santiago Bonillak hizkuntza eta literatura hispanikoak ikasi zuen, eta memoriari buruzko tesia idatzi zuen. Zinema ikasi zuen Zinematografia Ikasketen Zentroan (CUEC-UNAM), eta hainbat film labur zuzendu zituen. Sortzaile Gazteak - FONCA beka eman zioten, Ximena Cuevas tutore zuela. Moreliako Nazioarteko XV. Zinemaldian (FICM) gidoigintzako saria irabazi zuen, eta ordutik zuzendari eta zinematografo laguntzaile gisa lan egiten du. Bere lana oroimenean eta paisaian oinarritzen da.