Perishable Idol
Estreinaldia Espainian.
Aurkezpena eta solasaldia Majid Al-Remaihi (zuzendaria) eta Antonio Miguel Arenasekin (programatzailea).
Kuwait hiriaren parean dagoen Failaka uharteko jatorria duen arkeologo bat Golkoko Gerraz geroztik abandonatuta dagoen leku horretara itzuli da. Bidaia bakarti bati ekin dio iraganeko hondakinetan barrena eta hondakin horietan bizi diren mamuak gogora ekarriz, azken erritua betetzeko.
Izen eta biztanle asko izan dituen uhartea: Failaka edo Ikarus, sumertar, greziar eta arabiarrentzako babeslekua. 5.000 urteko historia jarraituaren ondoren, denboraren fluxua eten egin zen 1991n, Golkoko gerraren bonbardaketen ondorioz, uhartea hustu egin behar izan zutenean. Jatorriz, uhartekoa den arkeologo bat, Hassan Al-Failakawy, indusketak egitera itzuli da, eta hondakinekin berriz topo egin duenean, bidaia bati ekin dio uhartean etendako genealogian barrena. Ahanzturaren eta herentziaren, gerraren arrastoen eta iraganeko biziraupenen azterketa gisa egindako itzulera. Denboraren geruza multiformeak antzinako jainko batengan agertzen dira. Jainko horrek azken erritu-ekintza bat eskatzen du ahanzturatik: irudi bihurtzea berriz ere existitu ahal izateko. Historiak materia bizigabean gelditu dela eta atzera egin duela dirudien tokian, oroimena mutututa geratzen da ondare eta ezinbestean hilda dagoen irudi bitxi bihurtzen denean. Majid Al-Remaihik film-mikrokosmos batera gonbidatzen gaitu, non koadro bakoitzak arrakala fin bat irekitzen duen errealitatean, eta arrakala horretatik iraganeko eta etorkizuneko mamuak agertzen diren eta zorabioz antzematen dugun mundu baten amaiera (edo munduari gaur egun zentzua emateko dugun gaitasunaren amaiera).
Margot Mecca
 |
|
|