Retrato de Mondongo
Mundu mailako estreinaldia
Zuzendariak film honen sinopsia ez idaztea erabaki du.
Erretratu zinematografikoa. Une jakin batean, hauxe idatziko du zinemagileak ordenagailuko pantailan: «Erretratu oro autoerretratua da». Ez dago nartzisismo arrastorik esaldi horretan, datu tekniko bat baino ez: erretratuek eremuz kanpoko bat dute, eta zineman, mugimendua gehitzen zaio eremuz kanpoko horri. Erretratugileak ez du bere subjektibotasuna islatu beharrik erretratatuan, garai bateko modu piktorikoan. Eremuz kanpokoaren presentzia hutsak erretratatuaren eta erretratugilearen posizioak bata bestearen mende jartzen ditu, bata besteari lotzen. Gutxienez bi pertsona behar dira film bat egiteko.
Retrato de Mondongon, argentinar artista bikote bat dira erretratatuak, Mondongo kolektiboko kideak eta erretratugile profesionalak. Horregatik, erretratua egiten saiatu den zinemagileak biziki negoziatu behar izan du. Adiskidetasun harreman bat haustea ere eragin dezake erretratu batek, eta erretratugilearen eta erretratatuen artean egon behar duen loturaren –horregatik hautsi daiteke– beste froga bat baino ez da hori.
Manuel Asín
 |
|
|