Izena eman

Jaialdiak hirugarrengoz antolatu du Moving Cinema Gazte Programatzaileak x Punto de Vista. 16 eta 20 urte bitarteko gazteei irekita dago, eta, esperientzia berezi horri esker, 12 partaidera arteko talde batek gertu-gertutik bizi ahal izanen du zinema jaialdi orotako funtsezko zereginetako bat: filmak programatu eta aurkezteko zeregina.

Patxi Burillo zinemagilearen laguntzarekin, X Films eta Termitas programekin lotutako zinemagileen zenbait film ikusi eta komentatuko dituzte gazte programatzaileek, eta saioa diseinatuko dute. Ondoren, taldeak berak aurkeztuko du saio hori jaialdian.

• Izen-ematea doan, otsailaren 15ra arte.          
• Filmak ikusteko, programatzeko eta eztabaidatzeko saioak Civivox Condestablen: martxoaren 1ean, ostiralean (17:30-20:30); martxoaren 2an, larunbatean (10:30-13:30 eta 15:30-18:30), mokadutxoa eta guzti Katakrak gunean; eta martxoaren 3an, igandean (10:30-13:30).
• Prestaketa saioa: programatzaile gazteen taldearekin martxoaren 4tik 11ra bitartean zehaztu beharreko data
• Saioaren prestaketa Civivox Condestablen: martxoaren 14an, osteguna (18:00-20:00).
• Aurkezpen publikoa Civivox Condestableko emanaldi aretoan: martxoaren 15an, ostirala, 20:00etan.

Harremanetarako: zalantzak badituzu, idatzi produccion@puntodevistafestival.com helbidera.