Irati Gorostidi Agirretxe

Irati Gorostidi Agirretxe (Eguesibar, 1988) zinegilea da. Artea eta zinea ikasi zuen, Bilbon eta Bartzelonan, eta Fulbright bekaduna izan zen, New Yorken. Orain, fikziozko bere lehen lana amaitzen ari da (Unicornio film laburra), eta lehen film luzea garatzen (Anekumen). Azken proiektu horri heltzeko, ikerketa-egonaldia lortu zuen Uharteko Arte Garaikideko Zentroan, baita Eusko Jaurlaritzaren Ikertu ikerketa-beka ere. Bestalde, NOKA mentoring-programaren barruan hautatu zuten, Kultura Garaikidearen Nazioarteko Tabakalera Zentroan. Pasaia Bitartean (2016) eta Euritan (2017) filmak nazioarteko zine-jaialdietan eta museoetan proiektatu dizkiote.