es | eu | en
Nafarroako
Zinema
Dokumentaleko
Nazioarteko Jaialdia
22.03.14-19
Pamplona
Iruña
Nafarroako
Zinema
Dokumentaleko
Nazioarteko Jaialdia

22.03.14-19
Pamplona
Iruña
hasiera  |  2022ko albisteak  |  Punto de Vista zinema-aretoetatik kanpo berrasmatzen ari da Bosgarren horma deituriko programarekin
FILMEN BILATZAILEAIr a Buscador de Películas
Punto de Vista Bilduma
ALBISTEAK
2016.11.24
Punto de Vista zinema-aretoetatik kanpo berrasmatzen ari da Bosgarren horma deituriko programarekin
Punto de Vista zinema-aretoetatik kanpo berrasmatzen ari da <i>Bosgarren horma</i> deituriko programarekin
Jaialdi nafarra martxoan ospatuko den lehenengo aldia da eta atzera begirakoa “Hegan” kontzeptuari eskainiko dio.

Punto de Vista Nafarroako Zinema Dokumentaleko Nazioarteko Jaialdiaren XI. edizioa 2017ko martxoak 6tik 11ra egingo da. Lehiaketa hori otsailean egin beharrean martxoan egingo den lehenengo aldia izango da, nazioarteko beste hitzordu zinematografikoekin batera izan ez dadin. Halaber, lehiaketak, lehenengo aldiz, antzerki dokumentalaren atarikoa izango du; martxoak 5ean, igandean, egingo da inaugurazio ofizialaren aperitibo gisa.

Lehiaketak, beste behin ere, Baluarte Fundazioaren lankidetza izango du. Horrela, 2017an, jaialdiaren produkzioa Baluarte Fundazioarekin batera gauzatuko da eta haren zuzendaritzaz Nafarroako Gobernuko Kultura Saila arduratuko da. Hirugarren urtez jarraian, Baluarte Nafarroako Biltzar Jauregia eta Entzunaretoa izango da egoitza nagusia, nahiz eta, kasu honetan, bere programazioa beste hiru tokirekin konpartituko duen; alegia, Bosgarren horma izeneko zikloa Gayarre Antzokian, Niza Kafetegian eta Plazako Kafetegian (Baluarte) eskainiko da.

Gainera, Oskar Alegria zuzendari artistikoaren irteera-edizioa izango da, lau urtez (bat mintegi gisa eta beste hiru, 2017a barne, jaialdi gisa) lehiaketaren programazioaren eta diseinuaren buru izan ondoren. Punto de Vista Jaialdiko hurrengo zuzendari artistikoa Nafarroako Gobernuak laster deituko duen lehiaketara aurkeztutako hautagaitzen artean erabakiko da.

Punto de Vista Jaialdiko antolakuntzak hurrengo edizioari 2016ko balantze ona berriz erdiesteko xedez egiten dio aurre; 2016an, Jaialdiak bere hamargarren urteurrena ospatu zuen, 2015ean urtero egiteko hartutako erabakia sendotuz. Jaialdiak inoiz ez bezalako zifrak erregistratu zituen –8.000 parte-hartzailetik gora– eta eragin mediatiko handia eduki zuen, 500 agerpenetik gora prentsan, irratian, telebistan eta interneten. Urteurreneko urtean lortu zen jaialdia hirian behin betiko finkatzea ere, gizarte-jarduera paralelorekin, horien artean, Katakrak kafetegi-liburutegian, gauero, zuzenean, eskaini ziren kontzertuak eta programak edota, baita, ostatuetan hainbat gonbidatuk aste osoan zehar ostatua konpartitzea eta Iruñeko establezimendu desberdinetan ospatutako festak ere. 

Bere XI. edizioan, Punto de Vista Jaialdiak aurreko edizioetakoen antzeko sailen egiturari eutsiko dio: Sail Ofiziala – Erdialdeko Eskualdea deitua-; Bosgarren horma zikloa; atzera begirakoaren gaia (Hegan), egile bati eskainitako atzera begirakoa; Heterodoksiak atala, gure herrialdeko zinemagile bat erreskatatuz; saio bereziak eta X Films proiektua. Horretaz gain, Jaialdiak bere palmareseko sari tradizionalei eutsiko die: Filmik Onenaren Punto de Vista Sari Nagusia; Zuzendaritza Onenaren Jean Vigo Saria, Film Laburrik Onenaren Saria; Publikoaren Sari Berezia eta Gazteriaren Saria.

1.200 Sail Ofizialean – Erdialdeko Eskualdea deituan

Guztira, 1.290 filmek, 654 film luzek eta 636 film laburrek, eman dute izena Punto de Vista-ren hamaikagarren edizioan, sail ofizialaren baitan, Erdialdeko Eskualdea deituan, parte hartzeko. Zifra horrek agerian uzten du 2015ean, Punto de Vista-k urterokotasuna berreskuratu zuenean, hasitako jaialdiaren nazioarteko aitorpenaren joera gorakorra (iaz, 1.378 film izan ziren eta, 2015ean, berriz, 1.237, adierazi bezala) aurreko etapetako zifrekin alderatuta, non, erregistratutako filmen kopurua 700 ingurukoa zen.

Aurkeztutako filmak 79 herrialdetatik datoz. Parte-hartzerik handiena produkzio-etxe espainiarrena da, 206 lanekin; produkzio-etxe frantsesek (113 film), argentinarrek (72), belgikarrek (60), estatubatuarrek (58), alemaniarrek (57), mexikarrek (56), brasildarrek (36), kolonbiarrek (26) eta kanadarrek (22) jarraitzen diote.

Aurre-hautaketa fase honetara beste hainbat herrialdetako lanak ere iritsi dira, horien artean, Arabiar Emirerri Batu, Filipinak, Haiti, Senegal, Uruguai, Katar, India, Egipto, Australia, Hego Korea, Azerbaijan, Txina, Indonesia, Israel, Tailandia edo Vietnamekoak, hainbat herrialdeen arteko 228 koprodukzioez gain. 

Azkeneko edizioaren ildoari jarraituz, aurten ere, Latinoamerikatik nahiz Afrikatik eta Asiatik datozen lanen parte-hartzea garrantzitsua izan da.

Zifra horietara iristeko, ezinbestekoa da Jaialdiaren nazioarteko ordezkariek egiten duten lana; izan ere, Punto de Vista-ko enbaxadoreek mundu osoko produktoreekin gomendiorik eta kontakturik eduki ezean, film asko ez lirateke Iruñera iritsiko. Aipatu ordezkariak honako hauek dira: Andrea Picard Iparramerikan; Elena Fortes Latinoamerikan; Nourdinne Ben Driss Afrikan eta Asako Fujioka Asian.

Iragan irailean amaitu zen sail ofizialera filmak aurkezteko epea. Harrezkeroztik, Jaialdiko hautapen-batzordeak filmak ikuskatzen dihardu azkenean Punto de Vista-ren Sail Nagusia osatuko duten 17 filmak hautatzeko. Abenduak 20an, filmen izenak ezagutzera ematea aurreikusita dago. Hautapen-batzordea honako kide hauek osatzen dute: Koldo Almandoz, Guillermo G. Peydró, Alexei Dmitriev, Ozge Calafato eta Oskar Alegriak.

itzuli

Bultzatzailea
Gobierno de Navarra
Antolatzailea
NICDO
Laguntzaileak
Con la financiación del Gobierno de España. Instituto de la Cinematografía y las Artes AudiovisualesAcción Cultural EspañolaPlan de Recuperación, Transformación y ResilienciaFinanciado por la Unión Europea. NexGenerationEU
Babesleak
Ayuntamiento de PamplonaCentro de Arte Contemporáneo de HuarteFundación Caja NavarraGoethe Institut
Partaidea
PantallaIberofestLa Mesta
Kolaboratzailea
Filmoteca de Navarra
Museo Oteiza
Museo Nacional Centro de Arte Reina Sofía
Elías Querejeta Zine Eskola
Festival de Cine Africano FCAT
Festival Scope
Centre Cinématographique Marocain
Hotel Tres Reyes
Hotel Maisonave
Cineteca Bologna
The Film Foundation
World Cinema Project
Cinemateca Portuguesa
Jaialdiak Nafarroan
Punto de Vista
NIFF - Navarra International Film Festival
Navarra, tierra de cine
Ópera Prima
Skimetraje
CTL 59
#LabMeCrazy! Science Film Festival
Festival de Cine y Dentistas
Horror Online Art
FICBE (Festival Internacional de Cortos de Berriozar)
FAN, Festival de Anime de Navarra
Lo que viene
Muestra de cine español
Filmmaking for social change
Muestra Internacional de Cine y Mujeres de Pamplona

Geure cookie eta bitartekoenak erabiltzen ditugu helburu hauetarako:

Oinarrizko funtzioak aktibatuz web orri erabilgarria egiten laguntzen dute. Web orriak ezin du behar bezala funtzionatu cookie hauek erabili gabe.

Web orriari aukera ematen diote orriaren portaera edo itxura aldatzen duen informazioa gogoratzeko, hala nola, gogoko hizkuntza edo zu zauden eskualdea.

Informazioa modu anonimoan bilduz eta emanez, web orrien jabeei laguntzen diete ulertzen nola elkarreragiten duten bisitariek webguneekin.

Web orrietan bisitariak arakatzeko erabiltzen dira. Banakako erabiltzailearentzako iragarki garrantzitsu eta erakargarriak erakustea da asmoa.

Zure ekipoan instalatzen diren cookieak konfiguratzeko, hautatu ala desautatu cookien aukerak, eta, ondoren, sakatu "Gorde hobespenak" botoia.
"Cookie guztiak onartu" botoian klik egitean, onartu cookie guztiak instalatzea.
Halaber, "cookieak errefusatu" botoiaren bidez, ukatu egiten du horien guztien erabilera.
Klikatu hemen gure Cookie Politikari buruzko informazio gehiago lortzeko.