Animaliak dira Pema Tseden-en zinema hobekien sailkatzen dutenak. Bere azken filmean, Old Dog, hiriko mafiek irrikatzen zuten artzaintzako mastin zaharrari dedikatua, bere zinemagile karreran une fundazional bat dago: ardi bat artaldetik kanpo geratzen da, taldetik hesi batek bereizten duela; plano luze batean zehar alanbre-hesian zehar zulo bat bilatu nahian ibiltzen da bere artaldearekin itzultzeko. Galdutako ardia banandurik daukan hesian gora eta behera dabil etsita; bien bitartean, bere taldekideak horizontean urruntzen dira eta begi bistatik galtzen ditu. Minutuetako iraupena duen plano luzea, inolako Eten / Ekin gabe, non, errealitatea enigma-kutsu osoarekin sartzen den. Zuzendari tibetarrak honako hau azpimarratzen du: “nirea fikzioa da eta ez dokumentalak egitea”, baina bide okerretik doan ardiak bete-betean salatzen du: errealitateak atea jotzen duenean, mise en scène desagertu egiten da eta planoari errealitateak eskatzen duen arte eusten zaio. Fikzio faltsua, beraz.

Punto de Vista Nazioarteko bigarren Mintegiak jada bere kartela badu hurrengo ediziorako. 2007ko zinemaldian hasitako ohiturarekin jarraituz, argazkilari profesional baten irudia aukeratzearena edizio bakoitza ilustratzeko, oraingoan Marcin Ryczek-en argazkia aukeratu da, A Man Feeding Swans in the Snow. Argazkilariak, Polonian jaiotakoa, irudiaren eskubideak Punto de Vistari eman dizkio bere mintegiaren bigarren edizioaren irudi bihurtzeko. Mintegia Iruñan ospatuko da 2014ko otsailaren 19tik 22ra arte. Sharon Lockhart, Clemente Bernard, Matías Costa, Ellen Koi, Vicent Fournier, Aaron Huey eta Bill Brown izan dira orain arte beste edizioekin elkarlanean aritu direnak.

Dime quién era Sanchicorrota, Jorge Tur-en filma eta Punto de Vista Jaialdiak X Films proiektuaren baitan ekoiztuak, bere ibilbideari jarraitzen dio zinema-jaialdietan. Transcinema Jaialdi perutarrean (Oroimena eta sentsibilitateak Saria), Alcances espainiarrean (Aipamen Berezia eta Film Luze Onenarentzako Uptofest Banaketa Saria) eta Toulouseko Cinespaña frantziarrean (film dokumental onenaren saria) lortutako sarien ondoren, filmak bere merkataritza-estreinaldia Cineteca Madrid-en izango du azaroaren 21etik aurrera; horretaz gain, laster, Sevilla, Lisboa, Coruña, Donostia, Bartzelona, Santiago eta Tübingen-en (Alemania) ere ikusi ahal izango da.

Patrick Viret, Cerbère-Portbou-eko Rencontres Cinématographiques Topaldiko zuzendariak, non, duela hamarkada batetik hona Frantziako zinema dokumentaleko jaialdirik onenek parte hartzen duten, datozen edizioetarako Punto de Vista Jaialdia gehitzea erabaki du. Hitzordua beti urrian izaten da Frantziako mugan dagoen herriko Belvédère du Rayon Vert hotel historikoan. Topaketa horretan, jaialdi bakoitzak beren programetan eskainitako film labur eta luze bana aukeratzen ditu, Cerbère-Portbou-eko ikusleen aurrean aurten aurkeztu nahi dituen nabarmendutako bi obra. Ohikoen artean, Centro Pompidou-ko Cinéma du Réel, FID Marseille eta Argelès-sur-mer-eko Cinémaginaire ditugu eta CCCB-Bartzelonako L´Alternativa-k ere parte hartzen du.

Oskar Alegria gure zuzendari artistikoaren epaimahaikide-karrerak aurrera darrai. Donostiako azken Zinemaldiko Zuzendari Berrien ataletik igaro ondoren, non, tribuna Marina Stavenhagen, Carmen Cobos, Karel Och eta Sophie Mirouze-rekin konpartitu zuen, Oskar Alegria, azaroan, Sarajevoko Pravo Ljudski Jaialdiko eta Montrealeko Rencontres Internationales du Documentaire de Montréal Topaldiko epaimahaikide izango da; biak ere, hitzordu garrantzitsuak Balkanetako zinema independentean eta Iparramerikako zinema dokumentalean.